Charter Document - 05430113
| Charter Number: | 05430113 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1191 - 1219 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum peruenerit Thomas de Sancto Walerico salutem Nouerit uniuersitas vestra quod ego Thom[as] de Sancto Walerico pro salute mea et Edel[ine] uxoris mee et pro salute patris et matris mee et omnium antecessorum et successorum meorum dedi et concessi et hac presenti carta confirmaui Deo et monachis ecclesie Cristi Cant ob reuerentiam beati martiris Thome quod ipsi et seruientes eorum veniant et redeant in portum meum de Sancto Walerico et per totam terram meam liberi et quieti ab omni exactione telonei et pedagii et consuetudine ad nos pertinente de omnibus que ad necessaria et ad proprios usus eorum pertinuerint Si tamen predicti monachi vel seruientes eorum more mercatorum aliquod attulerint de partibus transmarinis reddant aliorum consuetudines mercatorum Hiis testibus magistro Ph[ilippo] le Ver Ingerr[ano] capellan[o] Roberto de Mostellet milite et multis aliis