Charter Document - 05430111
| Charter Number: | 05430111 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1191 - 1214 |
| Date type: | Assigned |
| Resource Link(s): |
|
Charter:
Reginaldus comes Bolonie et Yda comitissa uxor eius omnibus hominibus et ministris suis de Withsando et Bolonia et de Niwene et Caleis tam presentibus quam futuris salutem Sciatis quod ego comes Reginaldus et Yda comitissa pro honore Dei et beati Thome archiepiscopi Cantuar gloriosi martyris et pro salute animarum nostrarum et parentum et heredum nostrorum perdonauimus fratribus nostris monachis scilicet conuentui ecclesie Cristi Cantuar in perpetuum theloneum et omnes consuetudines que exigi solent in Withsando vel Bolonia vel Niwene vel Caleis a transeuntibus Volumus [er]go et precipimus ut ipsi et nuntii et omnes seruientes eorum liberi sint et quieti a nob[is] et ab omnibus heredibus nostris in perpetuum a theloneo siue pedagio siue omni alia consuetudine et prohibemus ne aliquis hominum vel ministrorum nostrorum eos pro hac re vexare presumat Volumus etiam ut donatio ista rata sit semper siue pax siue discordia sit inter regem Anglie et comitem Bolonie Hiis testibus Rad[ulpho] fratre comitis Guidone Leschans Baldewino de Dudeuilla Petro de Caeu Daniele de Betencurt Baldewino de Esseuilla Maneserio de Bolonia tunc capellano Nicholao clerico et multis aliis