Charter Document - 05430109
| Charter Number: | 05430109 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1190 - 1200 |
| Date type: | Assigned |
| Resource Link(s): |
|
Charter:
Sciant tam presentes quam futuri quod ego Guido Maleuitinus dedi et concessi Deo et beate Marie et sancto Thome martyris monachis ecclesie Cristi Cantuarie ibidem Deo famulantibus decem solidos Parisienses singulis annis in redditibus meis de Roeni et Madunte in passagiis de vino predictorum monachorum in puram elemosinam et si plus debent magis soluent pro anima patris mei Willelmi Maleuicini et antecessorum meorum et pro salute mea et matris mee et fratrum meorum et hoc donum super tumbam beati Thome martyris in die passionis sue obtuli et sigillo meo proprio confirmaui et ideo precipio et prohibeo ne aliquis balliuorum meorum et quicumque eam tenuerit predictos monachos aud nuntios eorum decetero permittatis vexari Testibus his Athline matre mee Huberto de Rosey Hugoni Croc Heymardo capellano meo Geruasio de Hosprenge Willelmo de Faueriz et multi alii Si quis vero successorum meorum vel aliquis alius quicumque fuerit hanc donationem meam aud cartam istam infringere voluerit in eadem dampnatione cum Iuda traditore qui Cristum tradidit deputatus sit Amen