Charter Document - 05430107
| Charter Number: | 05430107 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1171 - 1206 |
| Date type: | Assigned |
| Resource Link(s): |
|
Charter:
Baldewinus comes Gisnensis omnibus hominibus et ministris suis de Gisnes tam presentibus quam postfuturis salutem Sciatis quod ego comes Baldewinus pro honore Dei et amore beati Thome archiepiscopi Cantuariensis et pretiosi martyris et pro salute anime mee et uxoris mee et heredum meorum perdonaui fratribus meis monachis scilicet conuentui ecclesie Cristi Cantuarie in perpetuum theloneum et omnes consuetudines que exigi solent in Gisnes a transeuntibus Volo [er]go et precipio ut ipsi et seruientes eorum liberi sint et quieti a me et ab omnibus heredibus meis in perpetuum a theloneo siue pedagio siue omni alia consuetudine et prohibeo ut nullus hominum vel ministrorum meorum eos pro hac re vexare presumat Testibus militibus Simone de Echarde Alelmo de Gisnes Eustachio de Balingeham Willelmo de Freitun Michaele capellano eiusdem comitis Oliuiro clerico Baldewino ministro comitis de Niwetune