Charter Document - 05430103
| Charter Number: | 05430103 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1173 - 1191 |
| Date type: | Assigned |
| Resource Link(s): |
|
Charter:
Bernardus de Sancto Walerico omnibus militibus suis et ministris de honore Sancti Walerici salutem Sciatis quod ego pro animabus patris et matris mee eta pro salute anime mee et uxoris mee et heredum meorum perdonaui priori sancte Trinitatis Cantuar et omnibus eiusdem ecclesie monachis et eorum seruientibus qui per terram meam transierint pedagium et omnes alias consuetudines que in terra mea a transeuntibus exiguntur siue in terram meam aduenientibus et ideo volo et firmiter precipio ut pacem meam in terra mea habeant ipsi et omnia sua et omnes sui et prohibeo ne aliquis aliquam consuetudinem que ad me spectat in terra mea amplius ab eis exigat neque eos propter tales consuetudines vexet vel in placitum ponat Has libertates specialiter concessi eis propter amorem sancti martyris Thome quem in meis necessitatibus apud iustum iudicem adiutorem habere desidero His testibus Ernulfo clerico Milon[e] capell[ano] Bernardo Tachelu Anchero de Cheresi Waltero Mabun Weremundo Caldel