Charter Document - 05430086
| Charter Number: | 05430086 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Royal |
| Charter Type(s): | Mandate |
| Date: | 1300 |
| Date type: | Internal, A.D., Feast |
| Resource Link(s): |
|
Charter:
Philippus Dei gratia rex Francorum preposito nostro Paris salutem Mandamus tibi quatinus priori et conuentui ecclesie Cristi Cantuar vel eorum mandato omnia vina que ex concessione predecessorum nostrorum regum Franc[ie] apud Pesciacum et Trielum habent et habere consueuerunt et percipere prout in cartis inde confectis videbis plenius contineri necnon ea omnia que habent apud Sanctum Bricium ac quandam domum ipsorum sitam apud Trielum sine dilatione et difficultate et quocumque impedimento ammoto facias liberare et ipsos predictorum possessione gaudere Act apud Sanctum Agilum die Iouis proxima post translationem sancti Benedicti anno domini millesimo ccc