Charter Document - 05430083

Apud Trielium et Cantuslupi sunt quidam tenentes qui tenent vineas suas de rege Francie reddendo inde annuatim conuentui ecclesie Cristi Cant certum redditum siue censum videlicet certam mensuram vini singuli secundum quantitatem vinearum suarum tempore vindemiarum secundum mensuram Pesciat et si aliqui ipsos mensuram vini ipsos contingentem procuratori conuentus tempore videmiarum non soluerint tunc procurator conuentus nomina ipsorum scire faciet in script[is] balliuo reg[is] Franc[ie] apud Pesciat et idem balliuus statim iusticiabit omnes qui in arrerag[iis] fuerint per graues districtiones quousque huiusmodi arrerag[ia] procuratori conuentus plenarie persoluerint et pro transgressione iniuste detentionis emendas ab eis capiet Item apud Triel rex habet unum claustrum vinee et continet quatuor arpent et istam vineam tenet quedam mulier de Pesciaco reddendo inde annuatim ad opus reg[is] ad celar[ium] reg[is] de Pesciaco medietatem totius vini rubei dicte vine et alia medietas vini rubei remanebit penes ipsam pro cultura vinee et de eodem clauso reg[is] reddet dicta mulier procuratori conuentus ecclesie Cristi Cantuar medietatem totius albi vini eiusdem vinee et alia medietas vini albi remanebit penes ipsam pro cultura vinee Et memorandum quod collectis et receptis vinis predictis procurator conuentus ecclesie Cristi Cantuar ibit ad ball[iuu]m de Pesciaco et iurabit quantum recepit de vino tam de redditu Trieli et Cantuslupi quam de predicto clauso reg[is] et quantum defuerit de centum modiis vini idem balliuus statim liberabit dicto procuratori de celario reg[is] apud Pesciacum Apud Sanctum Bricium habet conuentus ecclesie Cristi Cantuar duas pecias vinee que continent circiter unam arpentam et dimid[iam] quarum una pecia continet in longitudine x perticatas et in latitudine viii perticatas et altera pecia continet in longitudine septemdecim perticatas et in latitudin[e] quinque perticatas et sunt dicte vinee ex parte australi ville sancti Bricii distantes a villa circiter tres quarentenas et traditur dicta vinea per procuratores conuentus supradicti Cantuar singulis annis ad firmam aliquando uni aliquando alteri reddendo inde annuatim medietatem totius vini inde prouenient[is] et alia medietas remanebit firmario pro cultura vinee et omnimod[is] aliis expens[is] suis Et memorandum quod tenentes predicti tam de Trielo et Cantilupi quam clauso reg[is] ac etiam firmarius conuentus apud Sanctum Bricium non debent fullar[e] vina sua nisi per visum procuratoris conuentus ne forte apponerent aquam vel facerent deterius vinum ad opus conuentus quam ad opus proprium Item memorandum quod una arpenta vini quando vinum com[muni]ter se habet respondebit de octo modiis vini et aliquando de sex et aliquando de decem Et memorandum quod anno domini millesimo cc nonagesimo quarto orta guerra inter regem Angl[ie] et Franc[ie] pro terra Vascon rex Franc[ie] cepit in manu sua omnia vina nostra ac etiam omnia bona omnium Anglicorum que habebant in regno Franc[ie] Postea anno domini millesimo CCCII Idus Iulii rex Franc[ie] restituit conuentui omnia vina et alia bona sua que prius ceperat in manum suam et dedit conuentui cc libras Turonens[es] pro dampnis et arrerag[iis] suis et super hoc concessit ei litteras suas tenorem qui sequitur continentes Henr[ico] de Estria priore ecclesie Cristi Cantuar tunc in Franc[ia] coram rege presente