Charter Document - 05430081
| Charter Number: | 05430081 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1264 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Lud[ouicus] Dei gratia Franc[orum] rex notum facimus uniuersis tam presentibus quam futuris quod cum bone memorie Lud[ouicus] rex Franc[orum] pater inclite recordationis reg[is] Ph[ilippi] karissimi aui nostri olim intuitu beatissimi Thome martiris quondam Cantuarien archiepiscopi conuentui monachorum in ecclesia ipsius beati Thome martiris Deo seruientium centum modios vini ad mensuram Parisien[sem] singulis annis tempore vindemiarum in castellaria Pissiaci accipiendos in elemosinam concesserit ac eisdem indulserit ut de predictis centum modiis vini et de omnibus que ad esum et potum suum pertinere sacramento unius seruientis de mandato alicuius monachi de eodem conuentu probari poterunt in omnibus passagiis suis quantum ad ipsum attinebat essent omnino liberi et immunes et postmod[um] idem karissimus auus noster Ph[ilippu]s rex Franc[orum] concessionem huiusmodi confirmauit et nos etiam post predictum auum nostrum donaciones et concessiones predictas voluerimus et concesserimus prout in litteris nostris super hoc confectis vidimus contineri nos volentes eidem conuentui ob reuerentiam predicti martiris facere super hiis gratiam ampliorem concedimus eisdem ut de predictis centum modiis vini et de omnibus que ad usum suum pertinere sacramento unius seruientis de mandato alicuius de eodem conuentu monachi ad hoc ab eodem conuentu deputati probari poterunt in omnibus passagiis nostris quantum ad nos attinet sint omnino liberi et immunes Hanc autem cartam propter casus fortuitos fecimus dupplicari Quod ut ratum et stabile permaneat in futur[um] presentes litteras sigilli nostri fecimus impressione muniri Actum Ambian anno domini MCC sexagesimo tercio mense Ianuario