Charter Document - 05430076
| Charter Number: | 05430076 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1199 - 1204 |
| Date type: | Assigned |
| Resource Link(s): |
|
Charter:
Reuerentissimo domino suo I[ohanni] Dei gratia illustrissimo regi Angl[ie] domino Hibern[ie] duci Norm[annie] Aquit[anie] et comiti Andeg[auie] frater Rob[ertus] dictus abbas et conuentus sancti Andr[ee] de Bosco perpetuam in domino salutem cum omni reuerentia et constanti orationum deuotione Quoniam vicinarum ecclesiarum patronatus et iura longo usu et certo et frequenti testimonio nobis innotuerunt magnitudini vestre notum facimus et in veritate que D[eu]s est testificamus ecclesias sancte Trinitatis et sancti Geruasii de Fales et sancte Marie de Wiby ad presentationem et donationem abbatisse et conuentus sancte Trinitatis de Cadomo indubitanter pertinere ut pace de quibus singulis annuas et certas percipiunt pensiones scimus etiam et proculdubio prohibemus Ernesium presbiterum qui nuper decessit per presentationem dictarum abbatisse et monialium fuisse rationabiliter et canonice in ecclesia sancte Trinitatis institutum Quamobrem supplicamus vobis deuotius et cum ipsis humillime petimus in Domino quatinus sicut decet honorem regium exclusis malignis suggestionibus ius ipsarum conseruare curetis illesum Bene et diu valeatis in Cristo