Charter Document - 05430070

Omnibus sancte matris ecclesie filiis ad quos presens scriptum peruenerit Walterus Dei gratia Rothom archiepiscopus salutem in domino Ex approbata descendit consuetudine ea que pie ecclesiis vel monasteriis seu ecclesiasticis viris et religiosis intutitu Dei conferuntur ne obliuione vel inuidentium seu etiam ambiciosorum malignitate depereant litterarum apicibus annotare et auctoritate pontificali communire Inde est quod ad uniuersitatis vestre noticiam volumus peruenire nos diuine karitatis intuitu ad petitionem et instantiam dilectorum filiorum in Cristo R[oberti] abbatis et conuentus beate Marie de Fulcardimonte cartas continentes donationes et elemosinas eis pie factas diligenter inspexisse et easdem donationes secundum tenorem ipsarum cartarum quas inspeximus ad maiorem securitatem presenti scripto inseruisse in hac forma Ex dono videlicet Henrici quondam comitis Augi quadraginta sex acras terre iuxta Beeleam ad faciendum anniuersarium suum et ad ceram emendam unde sufficienter fiant candele in die Purificationis et ad vinum emendum ad missas celebrandas per annum et septem acras ad Buscum Tachel Item ex dono eiusdem unam carrucatam terre iuxta eandem Beeleam pro anima Roberti fratris sui omnino liberam et quietam Item pro anima Henrici reg[is] Anglorum iunioris decimam denariorum ministerii sui de Fulcardimonte in foresta et decem acras terre iusta Beeleam liberas et quietas et quatuor acras pro Roberto filio Nichol[ai] ibidem Ex dono Ioh[ann]is de Vilers concedente Emmelina uxore sua et Ermengalda filia sua angulum de Potimou per desuper campum Roberti Moret et de suo dominico alium campum qui est inter campum Odardi medici et eius Valcellum Item alium campum de uno Iornello in Valle Gouberti omnia libera et quieta Item ex dono Roberti Moret unum campum assensu eiusdem Ioh[ann]is Ex dono Luce de Ioncaria masuram unam cum curtillo liberam ab omni exactione et tallia et alia consuetudine preter censum sex denariorum Ex dono Rogonis de Freeluilla concedente Roberto filio eius apud Ioncariam masuram unam et unam acram terre omnino liberam preter dimidiam minam auene de brenagium reg[is] Ex dono Roberti de Cagni assensu Odardi medici domum unam in foro de Fulcardimonte ad opus monachorum infirmorum omnino liberam Ex dono eiusdem Odardi apud Hanneis quadraginta acras terre et quinque acras in feodo de Lucue et partem nemoris sui de Cokerello Monte sicut fossatum proportat et unum hospitem apud Hainues omnino liberum Ex dono Gilleberti medici decem sol[idos] annui redditus apud Augum ex curtillis quos Rob[ertus] Maillarz tenebat de ipso assensu heredum suorum Ex dono Gilleberti de Euremeu assensu Gaufridi fratris eius decem sol[idos] annui redditus in molendino apud Euremeu Ex dono Simonis de Gillemcort assensu Gaufr[idi] fratris sui et sororum suarum masuram Will[elm]i filii Moberti et sex acras terre et dimidiam eidem masure appendentes omnino liberas et quietas Ex dono Rogeri fratris eiusdem Simonis masuram unam in eadem villa quam Robertus Pichon tenebat Item in eadem villa ex dono Gilleberti de Sancto Audoeno masuram unam singulis annis reddentem septem sol[idos] Ex dono Ric[ardi] Destriemont apud Assigneium septem acras quietas et liberas Ex dono Walteri de Sancto Martino assensu Isabel uxoris sue et Walteri filii sui duos modios bladi ad molendinum suum de Sancto Martino unum circa festum sancti Thome apostoli et unum ad Pascha et sciendum quod cuicumque isdem Walterus assignauerit molend[inum] suum primo omnium isdem redditus assignabitur Ex dono Will[elm]i le Borgue decem sol[idos] annui redditus apud Augum in una masura super ripam aque Ex dono Gaufridi de Augo decem et octo sol[idos] ex tenemento quod Trosse tenebat Ex dono prepositi Augi apud Merleuill vi sol[idos] et sex capones Ex dono Walteri de Sancto Aniano culturam viginti acrarum apud Torfreescales assensu Walteri de Grancort et Ingerranni de Auesnes et unam acram apud Puis Ex dono eiusdem Walteri de Grancort dimidiam molturam eiusdem culture viginti acrarum que eius erat et totam molturam aliarum duarum acrarum secundum quod carta ipsius testatur Item apud Arculas quatuor libras Andeg[auenses] ex dono Will[elm]i camerarii de Tankaruill Ex dono Simonis de Sancto Remigio duodecim acras terre ad Crucem Fornullet omnino liberas et quietas assensu abbatis sancti Wandreg et conuentus eiusdem loci Ex dono Matildis comitisse Augi centum sol[idos] Andeg[auenses] singulis annis ad molend[inum] suum de Torchi quinquaginta sol[idos] ad Pascha et quinquaginta ad festum sancti Remigii Hunc autem redditum reddet ecclesie quicumque molend[inum] seruauerit Ex dono Gaufridi de Berengeruill viginti sol[idos] et unam libram piperis ad Mesnill super Waregnam Ex dono Helie de Allage et Isabel uxoris eius et Agnetis filie eius totam terram dominici sui de feodo de Erables et de Busco Tachel illam de Erables ad sextam garbam illam de Busco Tachel ad garbam exceptis decem acris quas ecclesia omnino liberas et quietas habebit Sciendum au[tem] quod si monachi de terra vauassoris eius aliquid adquisierint et seruicium defecerit ei ad monachos tamen ad campartum recuperabit Item si monachi de terra rusticorum adquisierint si terra fuerit des Erables de feodo ad pactum eiusdem feodi si de feodo Buschitac Tachet ad pactum eiusdem feodi monachi eam habebunt Item ex dono Rad[ulfi] Trichiet quinque sol[idos] annui redditus apud Augum ex domo que fuit Ancheri clerici ad festum sancti Remigii reddendos Ex dono Willelmi Torel triginta acras terre que est inter diuisiones ville de Caable et Nuillemont omnino liberas et quietas Ex dono Roberti de Restolual quatuor minas bladi ad antiquam minam ad grangiam de Campenesiauilla Ex dono Gaufr[idi] de Berengeruill octo sol[idos] Andeg[auenses] apud Fulcardimontem in domo Geroldi Bote Item ex dono Ric[ardi] de Isleis totum campartum de decem acris terre quas ecclesia de Fulcardimonte tenet de illo ad Isleis assensu uxoris sue et Hug[onis] filii eius Item ex dono eiusdem Ric[ardi] et antecessorum eius simulque filii ipsius quicquid habebant in dominico suo in sede grangie de Fraitiz Totam etiam culturam cum uniuersa decima ante ipsam grangiam iuxta viam de Albamarla liberam penitus et quietam ab omni seruicio consuetudine et exactione preter septem minas bladi annui redditus tres scilicet minas et dimidiam auene reddendas ad caput Quadragesime et tres et dimidiam frumenti ad rogationes Totam etiam terram de Bella Fossa de feodo de Flameis preter tres acras quas Rogerus de Gardin tenet ad garbam perpetuo possidendam Item ex proprio dono ipsius Ric[ardi] in excambiam pro Valle de Bello decem acras ad Isleis omnino quietas Item ex dono Rad[ulfi] de Drenuill campum de Corneual Item ex concessione eiusdem Rad[ulfi] donationem quam Walterus de Gardin fecit scilicet terram de Rotunda Spina et campum Gilleberti le Blont Item terram de Rupticio tres scilicet illas acras quas Raherius Hescelin Guibertus et Robertus homines sui antea dederunt Item ex dono ipsius proprio terram illam quam habebat inter tenementum Ricardi le Blont et terras de Agnemesuill Item donationem Guiberti de Haudricort et Ric[ardi] le Blont quam tenebant de ipso in predicto campo Rupticii Item in Hastleia campum Bernardi de Ronceio Hec omnia quieta et libera in perpetuum concessit tenenda Item ex dono Adan Duredent concedente Hug[onis] filio suo et matre sua Herm[en]gart assensu etiam abbatisse de Sancto Paulo et conuentus eiusdem loci viginti quatuor acras terre de qua terra dedit decem acras omnino quietas preter sex nummos singulis annis ad festum sancti Remigii reddendos Residuum vero eiusdem terre ad campartum solum Ex dono eiusdem Adan Duredent totam terram suam super Bellam Fossam omnino quietam preter duas minas bladi et duas auene ad Pentecosten reddendas Ex dono Will[elm]i Thorel de Maisnil D[aui]d decem acras terre illius que est inter viam que ducit Goislenfontaines et nemus de Flamez viciniores grangie de Fraitiz omnino liberas et quietas a camparto et omni alio redditu seruicio et consuetudine Residuum vero eiusdem terre ad campartum t[antu]mmodo Ex dono Eremburgis matris Radulfi Poun decimam totius feodi sui in Plaisentia Item ex dono predicti Will[elm]i Thorel quinque acras terre scilicet pratella Boschier omnino libera et quieta preter campartum solum Concessit etiam nouem acras terre et ex toto dimisit quietas iuxta culturam ad Fossatum Regis quas aduersus prefatos monachos aliq[uan]d[o] clamabat Ex dono Renaldi de Fisquis unum pratum apud Fesques quod Radulfus pater eius emerat a Math[e]o de Luceio Ex dono Adan de Warwanna concedente Will[elm]o filio suo assensu etiam Renaldi de Fesques pratum unum apud Fesques quod dicitur Pratum Garnerii Ex dono Will[elm]i de Busco filii Rad[ulfi] unam acram terre omnino liberam et quietam Ex dono vero Gilleberti auunculi eiusdem Will[elm]i aliam acram eodem Will[elm]o concedente Item ex dono Alelmi Rambout quatuor minas bladi annui redditus ad minam de Luceio quas in grangia de Gariniprato recipiebat et quas de feodo iamdicti Will[elm]i iure hereditario tenebat Ex dono Raineri Loisel tres acras terre ad garbam iuxta buscum Veteris ville et ex dono iamdicti Will[elm]i duas virgatas similiter ad garbas unam in Valle Auberti et aliam iuxta buscum Veteris ville Hec omnia quieta et libera a tallia releuagio auxilio et omni alia seculari exactione preter quinque sol[idos] Beluac[enses] quos in supradicto redditu prefati Alelmi Rambout iamdictus Will[elmu]s singulis annis recipiebat Ex dono Reginaldi de Meduana duodecim minas frumenti et duas minas brasii et unam minam pisorum ad antiquam minam de Luceio quas in grangia de Gariniprato pro decima Veteris ville quasi iure patrimonii singulis annis recipiebat que omnia iamdictus Regin[aldus] in manu dilecti filii Phil[ippi] archid[iacon]i Augi sponte resignauit et ecclesie et monachis de Fulcardimonte in perpetuam elemosinam confirmari postulauit Ex dono Reginaldi de Fesques omnia camparta sua que habebat in terra que est ante grangiam de Gariniprato et preterea decem et octo denarios Beluacenses annui redditus quos habebat in eadem terra Item ex dono eiusdem octo acras terre assensu Wiberti de Sancto Sansone quinque in uno loco et tres in alio omnino quietas et liberas ab omni consuetudine seruicio tallia auxilio moltura et omni seculari exactione Ex dono Guidonis de Peucheruin assensu Ermengarde uxoris sue et Will[elm]i filii eius masuram unam apud Daiencort cum augmento coram eiusdem ville hominibus designato omnino quietam Item ex dono Walteri de Castello concedente Thoma Rastel domino suo et Bonafilia uxore iamdicti Walteri et Matheo filio suo tres ortos inter culturam monachorum et villam de Foucardimonte omnino quietos preter duos sol[idos] Andeg[auenses] annui redditus ad luminare ecclesie sancte Marie de Foucard[i]monte pro quibus tam[en] duobus sol[idis] isdem Walterus excambiauit monachis alium redditum duorum solidorum in duabus masuris apud Fulcarmont quas Gilleb[ertus] Michael et Rogerus de Furno de ipso tenebant Item ex dono [Hu]gonis filii Ricardi de Petricuria concedente Nicholaa uxore eius et Simone filio suo quicquid in decima ecclesie sancti Petri de Petricuria ipse et antecessores sui [pos]sederant et hec decima elemosinata fuit assensu et voluntate Phil[ippi] tunc archid[iacon]i Augi et in manu Will[elm]i de Boaffle tunc decani de Folcardmonte Item ex dono [Willelmi] Marescalli comitis de Pembroc quietantiam trium solidorum et quatuor denariorum quociens prefati monachi ferrum ad proprios usus emerant in villa de Orbec Item [ex] dono Berte de Freauuill concedentibus Roberto et Thoma filiis suis quinque sol[idos] Andeg[auenses] annui redditus in vicecomitatu Criolii Nos igitur videntes mundum adeo deditum esse concupiscentiis et rapinis quod calumpniantium et inuid[ium] maliciis veritas sepius impugnatur cupientes paci et indempnitati sepedictorum monachorum de Fulcardimonte intuitu Dei et religionis ipsorum pia sollicitudine prouidere ut liberius et quietius vacent orationi predictas donationes et elemosinas eis pie factas secundum quod in cartis donatorum plenius continentur eis in puram et perpetuam elemosinam auctoritate nostra confirmamus easque ad maiorem securitatem presentis scripti annotatione et sigilli nostri appositione communimus volentes et sub pena excommunicationis districtius inhibentes ne quis contra hanc nostre confirmationis paginam in preiudicium predictorum monachorum aliquid temere attemptare presumat Quod si facere presumpserit maledictionem et iram omnipotentis Dei se nouerit incursurum Dat per manum magistri Simonis cancellarii Rothom apud domum Grandimont[is] iuxta Roth anno incarnationis dominice mcc quarto iii Idus Aprilis