Charter Document - 05430067

Notum sit omnibus tam presentibus quam futuris quod ego Philipa filia Hug[onis] de Rosello carens marito et libera ab omni matrimonio tempore Henr[ici] regis Angl[ie] dedi Deo et ecclesie sancte Marie de Ardena et canonicis ibidem Deo seruientibus x acras et dimidiam terre offerendo eas com matre mea Aeliz per unum librum super altare beate Marie circonstante conuentu ecclesie et laicis multis scilicet Gaufr[ido] de Cambernol et Rad[ulfo] de Taun et Serlone de Buron Willelmo filio Auberee Rad[ulfo] Ruffo Rob[erto] de Secheuill et aliis pluribus pro salute anime mee et antecessorum meorum in perpetuam elemosinam libere et quiete ab omni redditu et seruicio et omnimoda exactione de proprio dominico meo ad Groceium in sex campis in campo qui vocatur Pratum et in campo qui est inter campos Odonis filii Hosmundi sub vico et in campo qui est iuxta viam de Carun scilicet in capite predicti campi et in campo Wigo et in campo Fullonis et ex alia parte vie dimidiam acram Pro hac autem elemosina canonici receperunt me et antecessores meos in orationibus suis et ad mortem meam liberam sepulturam concesserunt m[ich]i quam apud illos preelegi Preterea de rebus ecclesie sue et amicorum suorum dederunt michi xl et ii libras Andeg[auenses] scilicet de xxx libris adquietauerunt me ad scacarium domini reg[is] et duodecim libras alibi ad voluntatem meam persoluerunt et ne ego vel aliquis alius huic elemosine et donationi mee contraire vel eam in aliquo perturbare presumat set firma et inconcussa in perpetuum perseueret presentis scripti munimine et sigilli mei appositione eam confirmare et corroborare curaui Actum est hoc publice in aula domini reg[is] in castello Cadom coram iudicibus domini reg[is] ad scacarium sedentibus anno ab incarnatione Domini mclxxvi Super hoc autem testes sunt isti dominus s[cilicet] Ric[ardus] Winton episcopus qui tunc temporis erat capitalis iusticia Rog[erus] de Arre mag[ister] Hug[o] de Gaiet Ric[ardus] capellanus de Falesia et de laicis Sym[on] de Turnebu Gaufr[idus] Monachus Gillebert[us] Pipart Ric[ardus] Giffart Ran[ulfus] de Grantual Willelmus de Caliz Sym[on] de Escuris et alii plures Anno iterum Ioh[ann]is reg[is] Angl[ie] primo super prefata terra inter Rob[ertum] abbatem et conuentum Ardene ex una parte et me prefatam Philipam ex altera in curia domini reg[is] mota est discordia coram Sansone abbate Cad et Rad[ulfo] dicto Abbate tunc capitali iusticia et magistro Henr[ico] clerico domini reg[is] in plenis placitis et ad scacarium domini reg[is] in hunc modum est terminata Ego siquid prefata Philipa sicut supradictum est carens marito totam prescriptam terram in puram et perpetuam elemosinam sepedictis abbati et canonicis dedi ab omni reclamatione mea et heredum meorum et ab omnimoda exactione liberrima et Rob[ertus] tunc abbas Ardene iiii lib[ras] et xv solid[os] Andeg[auenses] pro hac recognitione et donatione et concordia ad scacarium domini reg[is] apud Cad in aula reg[is] michi donauit Ad petitionem vero meam prefatus abbas concessit unam acram predicte terre ad luminare ecclesie sue Quod totum com terra quam Rob[ertus] le Franceis dedit abbatie Ardene de feodo suo ego sepedicta Philipa presenti carta mea confirmaui Hiis presentibus magistro Rad[ulfo] de Luxou Gaufr[ido] de Curtunna Ioh[ann]e Ruffo clericis et de laicis Hug[one] Destas Rad[ulfo] Maleherbe Willelmo de Serenz Geruasio de Locell Walt[ero] de Annell Henr[ico] de Caliz Dinam de Carun et aliis pluribus