Charter Document - 05430066
| Charter Number: | 05430066 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1199 - 1200 |
| Date type: | Assigned |
| Resource Link(s): |
|
Charter:
Notum sit omnibus tam presentibus quam futuris quod ego Philipa filia Hug[onis] de Rosello carens marito et omni matrimonio tempore Henr[ici] reg[is] Angl[ie] dedi Deo et ecclesie sancte Marie de Ardena et canonicis ibidem Deo seruientibus pro salute anime mee et antecessorum meorum in puram et perpetuam elemosinam apud Groceium x acras terre et dimidiam in his vi campis in campo qui vocatur Pratum et in campo qui est inter campos Odonis filii Hosmundi sub vico et in campo qui est iuxta viam de Carun scilicet in capite predicti campi et in campo Wigo et in campo Fullonis et ex alia parte vie dimid[iam] acram de proprio dominico meo sine redditu et seruicio et omnimoda exactione et apud illam ecclesiam sepulturam elegi et Garinus tunc temporis illius abbas ecclesie et canonici de rebus suis et amicorum suorum dederunt michi xl libras et ii Andeg[auenses] scilicet de xxx lib[ris] adquietauerunt me ad scacarium domini reg[is] et xii libr[as] alibi ad voluntatem meam persoluerunt Quod totum carta mea confirmaui Actum fuit hoc apud Cad publice in castello reg[is] anno ab incarnatione Domini mclxxvi coram his iudicibus tunc ad scacarium sedentibus Ric[ardo] Winton episcopo tunc capitali iusticia Rog[ero] de Arre magistro Hug[one] de Gaiet Ric[ardo] capellano de Falesia Sym[one] de Tornebu Gaufr[ido] Monacho Gillebert[o] Pypart Ric[ardo] Gifart et aliis pluribus Postea autem primo anno Ioh[ann]is reg[is] Angl[ie] com essem vidua et carens omni matrimonio in plenis placitis domini reg[is] et ad scaccarium eius eamdem donationem meam prefatam coram omnibus ibi presentibus recognoui et concessi et ad opus predicte ecclesie de Ardena presenti carta mea in puram et perpetuam elemosinam com terra quam Rob[ertus] le Franceis de feodo meo eidem dederat ecclesie fideliter confirmaui et Rob[ertus] tunc temporis abbas Ardene et conuentus de bonis ecclesie sue iterum dederunt michi iiii lib[ras] et xv sol[idos] Andeg[auenses] et concesserunt unam acram illius terre ad luminare ecclesie sue Hiis presentibus Sansone tunc abbate Cad Rad[ulfo] dicto Abbate tunc capitali iusticia magistro Henr[ico] clerico domini regis magistro Rad[ulfo] de Luxou magistro Gaufr[ido] de Curtonia Hug[one] Destas Rad[ulfo] Maleherbe Ric[ardo] filio Henr[ici] Rog[ero] de Gouiz Henr[ico] de Caliz et aliis pluribus