Charter Document - 05430062
| Charter Number: | 05430062 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1291 |
| Date type: | Internal, A.D., Feast |
| Resource Link(s): |
|
Charter:
Tenore presentium pateat uniuersis nos sororem Stephanam priorissam de Casa Dei et fratrem Radulfum loci eiusdem priorem recepisse per Nicholaum de Fengerons presbiterem mandatum nostrum seu attornatum assensu domine nostre domine M Dei gratia Font Ebr abbatisse interueniente a relig[iosis] mulieribus priorissa et conuentu de Nunne Eton in Anglia per manus Thom[e] de Lodbrok earumdem dominarum clericum tricent[um] marcas steling[orum] pro duodecim marcis annui redditus quas ab eisdem percipere solebamus annuatim pro terris et tenementis in Attleberge et Bastenden cum suis pertin[entiis] que prius ad perpetuam feodi firmam pro predictis duodecim marcis annuis de nob[is] tenuerunt per nos predictis priorisse et conuentui venditis et remissis qui quidem denar[ii] antedicti iuxta assensum domine nostre abbatisse antedicte necnon et assensum nostrum resterant in deposito apud Bellum Mare sub custodia domine priorisse loci eiusdem quousque redditus aliquos ad valentiam dictorum denar[iorum] ad comperand[um] inuenire poterimus In cuius rei testimonium has litteras nostras sigill[is] nostris consignatas predictis priorisse et conuentui fieri fecimus patentes Dat apud Casam Dei in festo apostolorum Symonis et Iude anno Domini mcc nonagesimo primo