Charter Document - 05430060

Notum sit omnibus tam presentibus quam futuris quod hec est conuentio facta inter Adelinam priorissam et Willelmum priorem et conuentum de Casa Dei et Idam priorissam et Robertum priorem et conuentum de Eton videlicet quod dicti Adelina priorissa et Will[elmu]s prior et conuentus de Casa Dei tradiderunt et concesserunt dictis Ide priorisse et Roberto priori et priorissis et prioribus qui pro tempore erunt in domo Eton et conuentui manerium suum de Atleberge cum pertinentiis ad perpetuam firmam cum omnibus etiam que habent apud Bastenden pro duodecim marcis bonorum et legalium sterlingorum singulis annis soluendis apud Casam Dei infra Pentecost quas dictas duodecim marcas dicti priorissa prior et conuentus Eton qui pro tempore fuerint facient deportare apud Casam Dei suis sumptibus et suo periculo infra Pentecost et si contigerit quod dicti priorissa prior et conuentus Eton qui pro tempore fuerint in dicta solutione dictarum duodecim marcarum in dicto termino cessauerint licebit priorisse vel priori qui pro tempore fuerint apud Casam Dei vel eorum mandato statim possessionem dicti manerii sui de Atleberge et de Bastenden cum omnibus pertinentiis integre pacifice sine contradictione aliqua et reclamatione dictorum priorisse prioris et conuentus Eton qui pro tempore erunt et omnium aliorum hominum quorumcumque et omnia mobilia et immobilia que ibidem fuerint inuenta pacifice possidere sine contradictione aliqua et reclamatione nisi dicta solutio per guerram vel per mortem nuncii deferentis pecuniam dictam vel aliam iustam et rationabilem causam seu excusabilem fuerit impedita Ut autem hec conuentio fidelitatis robur optineat in perpetuum huic scripto in modum cyrographi confecto apponito sunt signa utriusque partis videlicet scripto quod remanebit penes conuentus de Casa Dei sigilla priorisse et prioris Eton et scripto quod remanebit penes conuentum Eton sigilla priorisse et prioris de Casa Dei Actum anno gratie mccxliii apud Casam Dei mense Iulii