Charter Document - 05430056
| Charter Number: | 05430056 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1190 - 1204 |
| Date type: | Assigned |
| Resource Link(s): |
|
Charter:
Petrus de Riueria omnibus tam presentibus quam futuris ad quos presens carta peruenerit salutem in domino Nouerit uniuersitas vestra quod Roes [d]e Helyon uxor mea assensu meo et voluntate dedit Deo et ecclesie sancte Marie de Casa Dei et monialibus ibidem Deo seruientibus in liberam et quietam et perpetuam elemosinam pro salute anime sue et antecessorum suorum medietatem ville de Estrumele que est de patrimonio suo in terris et pratis et redditibus et generaliter in omnibus extra magistrum herbergagium et insuper brociam que est extra herbergagium ad faciendam granchiam suam et ut hec donatio firma esset et stabil[is] carta sua et sigillo suo confirmauit sui compos et in sua ligia potestate me presente et volente presente etiam Daniele filio suo et concedente qui et ipse inde habebit per manum predicte ecclesie xxiiii sol[idos] stellinorum quamdiu vixerit Ego vero P[etrus] de Riueria predicte R sponsus hanc eius donationem ratam habens et approbans concessi et presenti carta et sigilli mei a[u]ctoritate confirmaui perpetuo duraturam Test[ibus] Gilleb[erto] de Aquila Rich[ardo] Gastinel Galt[ero] de Castello Auberto Iumell Girard[o] de Roseria Randol filio Guihummar Willelmo Calcio et pluribus aliis