Charter Document - 05430040
| Charter Number: | 05430040 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1201 - 1202 |
| Date type: | Internal, A.D. |
| Resource Link(s): |
|
Charter:
Notum [sit] omnibus tam presentibus quam futur[is] quod ego Robertus comes Melenti dedi et concessi et hac presenti carta mea confirmaui Petro de Pratellis in maritagium cum Maria filia Will[el]mi comitis de Insula et filia Marb[i]rie filie mee tertiam partem totius terre mee et totius terre que ad me pertinere debet tam in Francia quam in Norman[n]ia et in Anglia ubicumque fuerit et quicumque illam teneat vel possideat et super illam tertiam partem assignaui predicto Petro totam terram meam de Wateuilla et de Bretona cum omnibus pertinentiis suis tam in bosco quam in plano et Pontem Audomari cum omnibus pertinent[iis] suis tam in feodis militum quam in aliis rebus habendas et possidendas ipsis et heredibus suis de me et heredibus meis iure hereditar[io] in liberum maritagium integre plenarie et honorifice libere et quiete bene et in pace ita quod si Watteuilla et Breton cum pertinentiis et Pont[em] Audomari cum pertinentiis magis valuerunt quam tertia pars terre mee ego recuperabo super predictas Petrum et Mariam Si autem minus valuerunt ego vel mei heredes perficiemus predictis Petro et Marie valentiam tertie partis totius terre mee Et ut hec mea donatio et concessio rata et stabilis futuris temporibus perseueret present[em] chart[am] sigill[i] mei appositione muniui et roboraui Actum est hoc anno incarnat[i]onis dominice mcci Hiis testibus Ioh[ann]e de Pratellis Will[elm]o de Pratellis Engeramo de Pratellis Galfrido de Bosco Stephano de Longocampo Gautero de Brionia Will[elm]o de Chaumont Rob[er]to filio Landri Rob[er]to Pontell Roberto Grandi Osberto de Bosco et multis aliis