Charter Document - 05430039
| Charter Number: | 05430039 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1201 - 1202 |
| Date type: | Internal, A.D. |
| Resource Link(s): |
|
Charter:
Notum sit tam presentibus quam futuris quod ego Robertus comes Melleti inuadiaui Petro de Pratell et Marie filie Willelmi comitis de Insula et filie Mabirie filie mee duas partes tocius terre mee et tocius terre que ad me pertinere debet quicumque illam teneat vel possideat ubicumque fuerit tam in Francia quam in Normannia et in Anglia pro decies mille marcis argenti quas michi propter negotium meum accomodauerunt Cuius terre terciam partem ego dedi et carta mea confirmaui predicto Petro in maritagium cum predicta Maria nepte mea habendas et possidendas ipsis et eorum heredibus ab ipsis procedentibus et si predicti Petrus et Maria obierint absque herede ab illis progenito ille duas partes reuertentur ad me et ad meos heredes quiete et si predicta Maria obierit priusque predictus Petrus predictus Petrus illas duas partes tenebit quamdiu vixerit Si autem predictus Petrus obierit antequam prefata Maria ille due partes reuertentur ad me et ad meos heredes statim post decessum sepedicti Petri quiete Si autem sepedicti Petrus et Maria heredem vel heredes ab illis progenitos habuerint ille due partes tocius terre mee remanebunt ipsis et eorum heredibus post eos in perpetuum Et ut hoc ratum et stabile futuris temporibus perseueret presentem cartam sigilli mei appositione confirmaui Actum est hoc anno incarnationis domini mcci Hiis testibus Galfrido abbate sancti Audoeni Galfrido priore Belli Loci Iohanne Willelmo Engerammo de Pratell fratribus Galfr[ido] de Bosco Roberto filio Land[ulf]i Willelmo de Chaumont Osberto de Bosco Roberto Grandi Willelmo de Putot et multis aliis