Charter Document - 05430035
| Charter Number: | 05430035 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1178 - 1199 |
| Date type: | Assigned |
| Resource Link(s): |
|
Charter:
Henr[icus] de Monte Forti omnibus hominibus suis et amicis Francis et Anglicis clericis et laicis tam futuris quam presentibus salutem Ad uniuersorum noticiam referatur me dedisse et concessisse et hac mea presenti carta confirmasse Hugoni de Monte Forti fratri meo et heredibus suis totas terras meas de Pychauilla et de Gouteuilla et de Cleuilla cum omnibus eisdem terris pertinenciis et libertatibus ad tenendum hereditarie de me et de heredibus meis reddendo annuatim m[ich]i et heredibus meis duo calcaria deaurata pro omnibus seruiciis m[ich]i et heredibus meis pertinentibus Quare volo et firmiter precipio quatinus predictus Hugo et heredes eius post illum habeant et teneant totas prenominatas terras de me et de heredibus meis libere et quiete et honorifice cum omnibus libertatibus et liberis consuetudinibus in bosco in plano in foro et extra in pratis in pascuis in piscariis in stangnis in molendinis in aquis in viis in semitis in exitibus et in omnibus aliis locis prefatis terris pertinentibus per prefatum seruicium His testibus Aytrop Hasteng Willelmo et Waltero de Monte Forti Ric[ardo] capellano Willelmo de Hulehale Roberto filio Nic[olai] Clare de Beldesert Willelmo de Rameham Iohanne Brusle Rand[ulfo] et Reimbaldo fratre suo Gileberto de Brahal Adam fil[io] Lamberti Roberto fil[io] Henr[ici] Aytrop de Boilest Petro clerico qui hanc cartam scripsit et aliis multis Valete