Charter Document - 05430033
| Charter Number: | 05430033 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1286 |
| Date type: | Assigned |
| Resource Link(s): |
|
Charter:
Regie maiestati Anglie supplicant [] decanus et capitulum ecclesie beate Marie de Sauqueuill Rothomagen dyoc[esis] cuius ecclesie dominus rex Francie patronus existit quatinus dominus rex Anglie bailliuis seu iusticiariis suis scribere ac eis precipere dignetur ut cum ipsi decanus et capitulum sint pauperes nec habeant unde iura seu redditus et arreragia eiusdem ecclesie repetere seu defendere cum iudiciorum strepitu valeant in partibus Anglicanis dicti bailliui aut iusticiarii Anglie redditus arreragia et debita que debentur eisdem decano et capitulo coniunctim vel diuisim nomine suo vel ecclesie supradicte a Iordano de Sauq[ue]uill milite Matildi eius uxore et eorum heredibus ac quibusdam aliis coniunctim vel diuisim in Anglia sine litis et more dispendio faciant et percipiant liberari sicut in litteris et conuentionibus predictorum Iordani et Matildis continetur