Charter Document - 05430026

Anno regni reg[is] Henr[ici] filii reg[is] Ioh[ann]is tricesimo ad festum Nativitatis beate Marie virginis facta est hec conventio inter dominum Simonem de Monteforti comitem Leicestr ex una parte et fratrem Willelmum de Ginevill procuratorem abbatis et conventus de Becco tunc temporis in Anglia generalem ex altera Videlicet quod dictus Simon dedit concessit et confirmavit Deo et ecclesie beate Marie de Becco et monachis ibidem eis servientibus in escambium et recompensationem pasture et commune omnium mobilium suorum infra boscum suum de Baltelay secundum quod vetus fossatum et antique bunde eiusdem bosci se habent et proportant totum servicium et redditum de tenemento Iordani de Mareis cum omnibus pertinent[iis] suis et omnimodis exitibus et escaetis que inde aliquo casu dicto S[imoni] vel heredibus suis possent accidere et unam cotsetlandam terre cum marisco cum omnibus pertinent[iis] suis quam Iohannes Ginegone tenuit in villa de Hungerford excepta una acra que iacet apud Hanechull inter terram Ade de Helme et Iordani de Mareis Preterea unam acram terre que fuit Regin[aldi] Hareng que vocatur Bergacra extra cimiterium de Hungerford Ad hec concessit et dedit eis unum dimidium burgagium cum omnibus pertinent[iis] suis quod Rogerus Pogge tenuit in villa de Hungerford et redditum quatuor denariorum que de terra quam Petrus le Sagiehere tenuit annuatim capere consuevit Dedit insuper eis et concessit pro se et heredibus suis quod ipsi et eorum homines ac tenentes liberi sint et quieti tam in agris et villis quam extra et in omnibus aliis locis de omni servicio seculari actione querelis et demandis et omnimodis sectis curiarum suarum et hundredorum tam de tenemento prati quod vocatur Widemerch quam de omnibus aliis terris tenementis et possessionibus suis unde dicto S[imoni] vel heredibus suis aliquod seruicium seculare vel secta posset pertinere ita quod dictus Simon nec heredes sui vel balliui aliquid ab eis in vite occasione alicuius servicii secularis de terris vel tenementis eorum exigere capere possint vel extorquere Dicti vero monachi vel eorum successores nich[il] occasione herbagii pasture et commune infra antiquas bundas bosci de Baltelay prenominati exigere in perpetuum vel clamare poterunt vel debebunt Quare memoratus S[imon] com[es] de Leicestr voluit et concessit pro se et heredibus suis quod dicti monach[i] et eorum succ[essores] habeant et teneant omnia prenominata et omnes possessiones suas cum omnibus pertinen[tiis] suis et libertatibus tam in rebus spiritualibus quam secularibus in potestate sua in parochia de Hungerford constitutis in puram et perpetuam elemosinam libere quiete honorifice bene et in pace de omnibus serviciis secularibus querelis et exactionibus sicut predictum est ita libere sicut dictus Simon aliquid liberius potuit conferre Dictus vero S[imon] et heredes sui prefatis monach[is] et succ[essoribus] suis omnia suprascripta cum omnibus pertinent[iis] et libertatibus suis contra omnes gentes in perpetuum warantizabunt et ut ista conventio stabil[is] et inconcussa utrinque permaneat presenti scripto in modum cirographi confecto partes sigilla sua alternatim apposuerunt Hiis testibus dominis Roberto de Erpenham Willelmo de Brettinuores Iohanne de Columbar Alano filio Warini Hug[one] de Standen militibus Ricardo de Hauering Nicholao de Ingepenne Galfr[ido] Ponchehart Waltero de Ferchedon Adam Bat et aliis