Charter Document - 05430024
| Charter Number: | 05430024 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1215 - 1235 |
| Date type: | Assigned |
| Resource Link(s): |
|
Charter:
Omnibus tam presentibus quam futuris Walterus de Lascy salutem in domino Ad uniuersitatis vestre noticiam volo peruenire me dedisse et hac presenti carta mea confirmasse D[e]o et ecclesie beate Marie sanctique Laurentii de Bello Becco et monachis ibidem D[e]o seruientibus totum dominicum carucarum mearum in villa Gillekeran cum omnibus pertinentiis et libertatibus suis sicut melius plenius et liberius illud tenui antequam inde dissaisitus essem per voluntatem domini Ioh[ann]is regis Angl[ie] Dedi etiam predicte ecclesie et eiusdem loci conuentui pro salute anime mee et Marger[ie] uxoris mee et omnium antecessorum et successorum meorum totam terram quam Betani et Anglici tenuerunt in villa Gillekeran tenend[am] et habend[am] libere et quiete cum omnibus pertinentiis suis in bosco et plano in pratis et pascuis in aquis et molendinis in omnibus libertatibus et liberis consuetudinibus ad eandem terram pertinentibus pro qua terra et libertate possidenda sepedicti monachi reddent michi et heredibus meis annuatim quatuor libras esterlingorum scilicet medietatem ad Annunciationem beate Marie et aliam medietatem ad festum sancti Mich[aelis] pro omni seruicio seculari et exactione et demandis Preterea dedi et concessi predicte ecclesie et conuentui unum burgagium in villa Marineri cum libertate habendi unum batellum ad usus proprios sine teloneo et consuetudine et demanda Concessi etiam predictis monachis liberum introitum et exitum in terra mea et libere emendi et vendendi omnes mercandisas quas ad usus proprios emere voluerint vel vendere sine teloneo et quia volo quod hec elemosina et concessio mea et donatio predicte ecclesie et monachis ibidem Deo seruientibus imperpetuum remaneat sine contradictione sicut aliqua elemosina melius et plenius et liberius iuris religiosis dari potest eam presenti scripto et sigilli mei inpressione confirmaui Hiis testibus Marger[ia] de Lascy Will[elmo] de Manns Rob[erto] Saluage Will[elmo] Dylun Nich[olao] de Ebr Ricardo de Windesour Will[elm]o clerico Waltero Ioye Ad[a] Dachet Will[elm]o Haket et multis aliis