Charter Document - 05430023
| Charter Number: | 05430023 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1215 - 1241 |
| Date type: | Assigned |
| Resource Link(s): |
|
Charter:
Uniuersis Cristi fidelibus ad quos presens scriptum peruenerit Walterus de Lascy salutem Ad vestre uniuersitatis noticiam volo peruenire me diuini amoris intuitu et pro salute anime mee sponse mee patris mei matris mee antecessorum et successorum meorum dedisse et concessisse et hac carta mea confirmasse Deo et ecclesie beati Laurentii de Bellobecco et monachis ibidem Deo seruientibus quantum ad patronum pertinet ecclesiam beati Patricii de Trum cum omnibus pertinentiis suis habendam et tenendam in liberam puram et perpetuam elemosinam ad ipsorum monachorum et familiarium suorum calciaturam salua vicaria perpetua in eadem ecclesia assignata ad quam ego et heredes mei personam idoneam presentabimus et assignabimus Vicarius autem habebit alteragia eiusdem ecclesie beati Patricii et capelle sancti Thome cum minutis decimis et sepulturis mortuorum Habebit etiam idem vicarius duodecim marcas assignatas in decimis Betasiorum meorum de Leuure que si in tantum non suffecerint dicti monachi perficient et si quid in dictis superfuerit decimis prefatis remaneat monachis Idem etiam vicarius omnia honera ecclesie pertinentia sustinebit Ut hec igitur mea donatio et concessio rata et inconcussa permaneat eam presenti scripto sigilli mei munimine roborato confirmaui Hiis testibus Nichol[ao] de Ebroic Iohanne capellano Alexandro clerico Simone capellano Willelmo de Cenomann Ric[ardo] de Windesor Adam de Notingeham clerico et multis aliis