Charter Document - 05430010

Nouerint uniuersi presentem paginam inspecturi quod ego Nicholaus de Monteign et Isabel uxor mea primogenita filia Aldulphi de Bracheio dedimus et concessimus in perpetuam elemosinam Deo et ecclesie Boniportus et monachis ibidem Deo seruientibus haiam de Vicdasne cum pertin[entiis] suis integre videlicet terram cum bosco et quicquid iuris et hereditatis ibidem habebamus in dominicis in hominibus et feodis in redditibus et seruiciis in escaetis et releuiamentis et incrementis et in omnibus aliis predicte terre pertinentibus tenend[am] et possidend[am] libere quiete et pacifice per viginti libr[as] cur[ren]tis monete de redditu nobis vel heredibus nostris nostris annuatim persoluendas ad duos terminos in festo sancti Remigii decem libr[as] et in Purificatione beate virginis Marie decem libr[as] Hanc predictam donationem ego Nicholaus et Isabel uxor mea in scacario domini regis Francie apud Rothom coram domino Waltero camerario et Odone Clement archidiac[ono] Parisien et fratre Guarino iuramento confirmauimus tenendam et bona fide custodiendam ut elemosinam liberam et quietam per prefatum redditum ab omni exactione consuetudine inquietudine calumpnia vel reclamatione nostri vel heredum nostrorum penitus absolutam et in ecclesia beati Eligii presente Laurentio sacerdote et parrochianis eiusdem ecclesie super altare solempniter obtulimus ut elemosinam saluo prenominato redditu nostro quod si monachi ab eodem redditu persoluendo defecerint nos solummodo pro defectu redditus nostri et non pro alio ad res feodi donec persoluatur redditus recurremus Quod ut ratum et stabile cunctis in posterum diebus permaneat presentis carte testimonio et sigilli mei patrocinio duximus roborand[um] Actum apud Rothom anno dominice incarnationis millesimo ducentesimo octauo coram subscriptis testibus Iohanne de Robereto Osberto Ric[ard]o de Willicario Reginaldo de Pierreuilla Willelmo Freschet de Ginnenuill militibus Cadulc[o] castellano Galonis Willelmo Escuacol et multis aliis