Charter Document - 05430007
| Charter Number: | 05430007 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1200 |
| Date type: | Assigned |
| Resource Link(s): |
|
Charter:
Omnibus tam presentibus quam futuris ad quos presens scriptum peruenerit Petrus de Pratell salutem Sciatis quod ego pro salute anime mee et patris mei et matris mee et fratrum meorum videlicet Simonis et Rogeri Iohannis et Engerranni et dominorum et antecessorum meorum dedi et concessi in puram et perpetuam elemosinam sancte Marie de Belloloco et canonicis ibidem Deo seruientibus centum libratas redditus Andeg[auenses] apud Rothom scilicet in estallis fori Roth et in feria de Pardone et in feria sancte Marie de Prato quem s[cilicet] redditum Iohannes Dei gratia rex Angl[ie] dedit michi et concessit pro meo seruicio et si quid de predictis centum libratis redditus annuatim recipiendis in predictis locis eis defuerit de vicecomitatu Roth eis perficietur Sciend[um] est etiam quod predicti canonici debent habere dominicum suum seruientem ad recipiendas illas centum libratas redditus in prefatis locis una cum vicecomite Roth vel cum eo qui in loco domini regis ibi erit Item sciend[um] est quod iamdicti canonici reddant singulis annis viginti sol[idos] Andeg[auenses] hospitarie sancte Marie Magdal[ene] de prefato redditu ad festum sancti Michaelis pro salute anime domini mei Henrici minoris regis Predicti canonici de misericordia Dei confisi et saluti anime mee et animabus antecessorum meorum subuenire desiderantes concesserunt michi quod singulis diebus cum duobus cereis accensis in honore beate Virginis Marie pro salute nostra unam missam solempniter celebrabunt alteram vero pro defunctis Preter hoc autem concesserunt michi quod duos cereos unum pro me alterum pro Rogero fratre meo in honore beate Virginis Marie singulis noctibus sabbatorum in supradicta ecclesia ardere constituent et ut hec donatio rata et inconcussa permaneat cartam istam sigilli mei munimine roboraui T[estibus] domino Waltero Rothom archiepiscopo Willelmo de Constantiis Waltero de Sancto Walerico et magistro Garino Angeli Roth archidia[co]n[is] Willelmo Marescallo com[ite] de Pembroch Hugon[e] de Gorn Willelmo de Cahem Warin[o] de Glapion Rob[erto] de Torneham Willelmo et Engerranno de Pratell fratribus Gaufr[ido] de Bosco et Iohanne fratribus Matheo Grosso maiore Roth Gaufrid[o] de Valle Richeri Iord[ano] Iolm Gaufrido clerico de Caprau[i]lla et multis aliis