Charter Document - 05430005

Ioh[anne]s Dei gratia rex Angl[ie] [] Sciatis nos concessisse et commisisse et hac carta nostra confirmasse Galfr[ido] filio Petri comiti Essex totam terram quam Robertus filius Ernisii habuit [in] Anglia scilicet Welles et Waraham et Massingeham et Hadfeld Peuerel et Diepedene et Hemingeby cum omnibus pertin[entiis] suis habendam et tenendam sibi et heredibus suis de [nobis et here]dibus nostris per idem seruicium quod predictus Robertus nob[is] in[de] facere consueuit pro omni seruicio et exactione ita tamen quod si nos vel heredes nostri reddiderimus predicto Galfr[ido] vel heredibus suis totam terram [cum] pertin[entiis] suis que ad eos pertinere solet in Norman[nia] et saisinam inde eis fecerimus tunc nob[is] reddent et quietam clamabunt terram quam predictus Rob[ertus] habuit in Angl[ia] et si predictus Rob[ertus] [vel] heredes sui aliquo tempore seruicio nostro vel heredum nostrorum adheserint et nos predictam terram eis reddere voluerimus tunc dabimus predicto Gaufr[ido] vel heredibus suis escambium ad valenciam in locis [com]petentibus et cum de escambio illo saisinam eis fecerimus predictam terram nob[is] reddent quietam Quare volumus et firmiter precipimus quod predictus Galfr[idus] et heredes sui post eum habeant et teneant predictam terram cum pertinent[iis] sicut predictum est bene et in pace libere et quiete et integre plenarie et honorifice sicut predictus Rob[ertus] illam melius et liberius et integrius habuit Test[ibus] W[illelmo] comite Saresbir W[illelmo] de Cantilup tunc senesc[allo] nostro Sim[one] de Patteshill Iacob[o] de Poterne Thom[a] de Samford Ioh[ann]e Mariscall Rad[ulfo] Gernun Dat per man[um] Hug[onis] de Welles archidiaconi Well[e]ns apud Winton xv die Septembr[is] anno regni nostri decimo