Charter Document - 05430002
| Charter Number: | 05430002 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1201 |
| Date type: | Internal, Regnal |
| Resource Link(s): |
Archives départementales de Seine-Maritime - 2 H 464/1 |
Charter:
I[ohannes] Dei gratia rex Angl[ie] dominus Hibern[ie] dux Norm[annie] Aquit[anie] et comes And[egauie] omnibus ad quos presens scriptum peruenerit salutem Sciatis nos pro salute anime nostre et animarum antecessorum et successorum nostrorum concessisse et confirmasse Deo et ecclesie de Belbec et monach[is] ibidem Deo seruientibus nemus in quo abbatia fundata est cum omni dominico circa idem nemus et de Mesnilboschet de Spineto de Balleteria de Morimont de Cantecoc de Torniaco de Corcell de Botell de Boscoputeorum de Hadencort de Antiz de Mureaumont de Sancto Oyno de Haia Gonnor de Gillekeran de Eston et de Ayston loca domos terras nemora vineas prata pascua aquas vias et semitas cum omnibus pertinentiis suis et omnia maneria tenementa terras villas redditus redeuancias decimas patronatus ecclesiarum molendina viuaria piscarias gurgites salinas pasturagia pasnagia usagia et omnes res alias et possessiones quascumque acquisierunt et in futurum iustis modis acquirere poterunt in villis burgis portubus castris ciuitatibus et in cunctis aliis locis Quare volumus et firmiter precipimus quod omnia et singula predicta habeant et per quoscumque voluerint bene et in pace possideant in puram et perpetuam elemosinam liberam penitus et quietam ab omnibus rebus pertinentibus ad regiam magestatem Damus etiam eis et omnibus hominibus et seruientibus ipsorum presentibus et futuris per terram et per aquam vend[endo emendo et tran]sportando omnes libertates quas dare possumus T[estibus] Garin[o] de Glap sen[escallo] Norm[annie] Hub[erto] de Burgo camerar[io] nostro Steph[ano de Longocampo apud M]ont[em]fortem vicesima sexta die Oct[obris] anno regni nostri tercio