Charter Document - 05420456
| Charter Number: | 05420456 |
|---|---|
| Cartulary Title: | Pedes Finium Ebor, Regnante Johanne. A.D. MCXCIX - A.D. MCCXIV. The Yorkshire Feet of Fines for the Reign of King John. |
| Charter Language: | Latin |
| Charter Origin: | Lay |
| Charter Type(s): | Final Concord |
| Date: | 1212 |
| Date type: | Assigned |
| Resource Link(s): |
|
Charter:
Ibidem in crastino Sancti Andree Inter Julianam de Warewic petentes per Simonem filium Vitoris positum loco suo [] et Petrum de Plumton tenentes de tertia parte ville de Plumton cum pertinentiis et de tertia parte ville de Gersinton cum pertinentiis et de tertia parte ville de Hidel cum pertinentiis et de tertia parte ville de Nethesfeld cum pertinentiis et de tertia parte ville de Ribbestein cum pertinentiis quas tertias partes ipsa clamavit versus eundem Petrum ut rationabilem dotem suam de dono Nigelli de Plumton quondam viri sui Et unde placitum fuit [] scilicet quod predictus Petrus concessit eidem Juliane totam terram suam quam ipse habuit in Ribbestein de laico feodo cum omnibus pertinentiis suis tam in reditibus quam servitiis et in omnibus aliis rebus preter terram et servitium Johannis de Beaugrant quod remanet eidem Petro et heredibus suis quietum de ipsa Juliana inperpetuum In escambium cujus terre et cujus servitii idem Petrus concessit eidem Juliane triginta sex acras terre in campis de Plumton scilicet in Steinflat viginti duas acras et quatuordecim acras ex duabus partibus de Fulsig Et preterea concessit eidem Juliane quadraginta acras terre in predictis campis de Plumton de dominico ejusdem Petri que jacent propinquiores culture que vocatur Brunescroft et vocantur ille acre Krinkelker Et preterea concessit eidem Juliane communem pasturam dominicis averiis suis cum propriis averiis ejusdem Petri in Plumton ubique et rationabile estoverium suum in bosco de Plumton ad edificandum et ardendum per visum forestarii ejusdem Petri et communam bosci ad sexaginta porcos in Plumton sive in Hidel quietos de pannagio Concessit etiam eidem Juliane quadraginta solidos in molendino de Plumton singulis annis percipiendos per manum ejusdem Petri vel heredum suorum scilicet medietatem ad Pascha et medietatem ad festum Sancti Martini Habendum et Tenendum eidem Juliane tota vita sua nomine dotis de ipso Petro et heredibus suis faciendo forinsecum servitium quantum ad predictam terram de Ribbestein pertinet pro omni servitio Et pro hac concessione [] predicta Juliana remisit [] predicto Petro et heredibus suis totum jus [] in superplusagio omnium predictarum terrarum cum pertinentiis et in omnibus catallis que fuerunt Nigelli de Plumton nomine dotis salvis eidem Juliane catallis que ipsa inde habuit die quo hoc cirographum factum fuit