Charter Document - 05420438
| Charter Number: | 05420438 |
|---|---|
| Cartulary Title: | Pedes Finium Ebor, Regnante Johanne. A.D. MCXCIX - A.D. MCCXIV. The Yorkshire Feet of Fines for the Reign of King John. |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1209 |
| Date type: | Assigned |
| Resource Link(s): |
|
Charter:
Eisdem loco et diebus coram ipso domino Rege [] Inter Fratrem Emericum Magistrum Militie Templi In Anglia petentes per fratrem Willelmum de Fauflor positum loco suo [] et Herbertum Abbatem de Beland tenentes per Walterum monachum positum loco suo [] de tota cultura que vocatur Kairebiflat quam idem frater Emericus clamabat ut pertinentem ad manerium suum de Kareby et idem Abbas clamabat illam pertinere ad grangiam suam de Veteri Beland Et unde per preceptum ejusdem domini Regis sum moniti fuerunt xij milites ad faciend super sacramentum suum perambulationem scilicet utrum pertineret ad manerium de Kareby an ad grangiam de Veteri Beland scilicet quod predictus Abbas recognovit totam predictam culturam esse jus ipsius fratris Emerici et aliorum fratrum Militie Templi Et pro hac recognitione [] predictus frater Emericus concessit predicto Abbati totam predictam culturam Tenendam eidem Abbati et successores suis de ipso fratre Emerico et aliis fratribus Militie Templi et eorum successores inperpetuum per liberum servitium quatuor solidorum per annum reddendorum ad duos terminos anni scilicet ad Pascha duos solidos et ad festum Sancti Michaelis duos solidos pro omni servitio Et sciendum quod predicti fratres Militie Templi et eorum successores non poterunt aliquam communam habere ad averia sua in predicta cultura de Kaireb flat vel in alia pastura pertinente ad Veterem Beland sive pastura illa sit in terra lucra bili sive in moris sive alibi nisi per concessionem et assensum predicti Abbatis et successores suorum Nec idem Abbas nec successores ejus aliquam communam clamare poterunt in pastura predictorum fratrum vel eorum successores pertinente ad manerium de Kareb sine concessione et voluntate predictorum fratrum et eorum successores