Charter Document - 05420242
| Charter Number: | 05420242 |
|---|---|
| Cartulary Title: | Pedes Finium Ebor, Regnante Johanne. A.D. MCXCIX - A.D. MCCXIV. The Yorkshire Feet of Fines for the Reign of King John. |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1204 - 1205 |
| Date type: | Assigned |
| Resource Link(s): |
|
Charter:
Ibidem a die Sancti Hillarii in tres septimanas Inter Alanum Priorem de Drax petentes et Henricum de Berlay tenentes de communi pastura in Berlay Unde placitum warantie carte [] scilicet quod predictus Henricus concessit eidem Priori et successores suis communem pasturam in eadem villa ad quinquaginta averia scilicet in bosco et plano in pratis et campis post collectionem pratorum et bladorum et postea pasturam ad decem sues cum eorum sequela unius anni et cum libero exitu et introitu ad eandem pasturam salva tamen annuatim eidem Henrico et heredibus suis pessione bosci sui in eadem villa a festo Sancti Michaelis usque ad festum Sancti Andree Et preterea homagium et servitium Simonis de Darthingtone de viginti quatuor acris terre cum pertinentiis in eadem villa scilicet octo solidos per annum Habendam et tenendam eidem Priori et successores suis in puram et perpetuam elemosinam liberam et quietam ab omni seculari servitio et exactione Et preterea idem Henricus remisit [] predicto Priori et successores suis de se et heredibus suis inperpetuum totum jus [] in duodecim acris terre cum pertinentiis in eadem villa que jacent inter Arnac et divisas Fulconis Painel de Drax Et pro hac concessione [] idem Prior remisit [] predicto Henrico et heredibus suis de se et successores suis inperpetuum totam jus [] in pannagio bosci ipsius Henrici et in clostura et in mortuo bosco de eadem villa et in surplusagio totius predicte pasture Et hec concordia facta fuit presente predicto Simone et eam concedente et predictum servitium recognoscente