Charter Document - 05410019
| Charter Number: | 05410019 |
|---|---|
| Cartulary Title: | Pedes Finium Ebor Tempore Ricardi Primi [Yorkshire] |
| Charter Language: | Latin |
| Charter Origin: | Royal |
| Charter Type(s): | Final Concord |
| Date: | 1189 - 1199 |
| Date type: | Assigned |
| Resource Link(s): |
|
Charter:
Hec est finalis concordia facta in curia domini regis die Martis proxima ante festum Sancti Erkenwaldi Inter Robertum de Lamare petentem et Willelmum de Bretteville tenentem de aduocacione octaue partis ecclesie de Jaforde et de molendino de Jaforde cum pertinentiis et de pastura eiusdem insule ubi Castellum fuit de Jaford et de prato iuxta insulam ubi castellum fuit cum pertinentiis Vnde placitum fuit inter eos in prefata Curia scilicet quod predictus Robertus de Mara remisit et quietum clamauit predicto Willelmo et heredibus suis totum ius et clamium quod habuit in aduocacione octaue partis predicte ecclesie et in predicto molendino et in pastura et in prato de se et heredibus suis in perpetuum Et pro hoc fine et concordia et quieto clamatio predictus Willelmus dedit predicto Roberto quatuor acras terre in exitu ville de Jaforde inter viam de Rikemunde et viam de Danebi et totum pratum suum inter pratum Roberti de la Mare et pratum de Andrebi tenendas de eo et de heredibus suis per seruicium iiij denarios per annum pro omni seruicio reddendorum ad ij terminos anni scilicet ad Pentecosten ij denarios et ad festum Sancti Martini ij denarios
Source (click image below to view full size)
