Charter Document - 05401496

Ad inquirendum super illis questionibus quas adversus vos habent prior et monachi de Regula apud Regulam venissemus presentibus nunciis vestris videlicet viro religioso abbate quondam abbate Gratie Dei et Himberthose Tolose milite convocato populo Regulensi fecimus mandatum vestrum perlegi quo perlecto et exposito dicti nuncii vestri populo Regulensi preceperunt eos adjurantes in virtute debite fidelitatis et vobis prestiti juramenti quatenus totam rei veritatem de juribus que scirent vos in villa de Regula contingentibus et de justicia sanguinis et de seculari juridictione quas prior et monachi in villa de Regula se dicunt habere exponerent diligenter Qui prehabita deliberatione dixerunt coram nobis et prefatis nunciis vestris quod quando comes Pictaviensis venit apud Regulam prior et monachi debent ei cum privata familia sine exercitu procurationem unam facere semel in anno et si forte per villam vel juxta villam sine mora transitum fecerit dabant ei equum precio decem librarum monete que tunc erat ad quatuor denarios et solvent tam prior et monachi medietatem si procurationem fecerint et burgenses Regule aliam medietatem Et si precium equi dederint solvent dicti prior et monachi quantum burgenses Regule sicut et de procuratione dictum est Similiter dixerunt quod in villa de Regula habetis exercitum ad quem faciendum soli burgenses tenentur et adjecerunt quod nihil amplius in villa de Regula habebatis sed cum olim duodecim juvenes burgenses de Regula pecuniam Stephano de Lavezon burgensi Regule violenter abstulissent idem Stephanus tunc adiit priorem Regule ad quem justitia sanguinis et tota jurisdictio secularis in villa de Regule pleno jure pertinebant et quia dictus prior non potuit eidem Stephano de illis duodecim burgensibus justitiam exhibere eo quod domum quandam in villa fortem munierant in quam se receperant predictus Stephanus accessit ad dominum R[ichardum] tunc comitem Pictaviensem et ipse comes erat compater et hospes Stephani predicti et valde ipsum diligebat quia crebro et libenter pecuniam dicto comiti mutuabat et deposuit apud eum querimoniam et tunc comes R apud Regulam accedens hac de causa dictos burgenses non invenit quia propter timorem adventus sui aufugerant et tunc ipse comes posuit in villa de Regula prepositum et spoliavit ecclesiam justitia sanguinis Item procedente tempore dictus comes R in proprietate ecclesie fecit turrim edificari Et requisiti quomodo sciebant ista omnia predicta dixerunt quod bene sciebant sicut qui audierant dici et a suis majoribus receperant et etiam publica fama ita se habet Preterea nos fecimus convocari coram nobis senes et valetudinarios videlicet Stephanum Carria Garsia Palter Meneira Bidon Seguin Doat Corda Heliam de Gaufre Arn W Bigamhs W Aldis Ar Duran ac primerios burgenses de Regula et fratrem Bertaud de Serris quondam priorem Regule Hii prestito juramento dixerunt quod prior de Regula ut verus dominus habebat totam juridictionem secularem et justiciam sanguinis in villa de Regula quam exercebat per servientes suos suspens dendo detruncando malefactores et detradendo in carcerem proprium qui vulgo dicebatur Infernulus in quo quidam de testibus predictis de melioribus ville nomine Stephanus Carria fuit captus et detentus per duos menses et adjecerunt quod tempore illo quo fuit ablata pecunia Stephano de Lavezon nullus fuerit visus apud Regulam barranus sed quia prior a dicto Stephano requisitus non potuit de dictis burgensibus duodecim justiciam exhibere comes predictus tunc abstulit justitiam sanguinis ecclesie Regule violenter Requisiti predicti testes quomodo prefata sciebant dixerunt se omnia predicta propriis oculis vidisse