Charter Document - 05400546
| Charter Number: | 05400546 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1244 |
| Date type: | Internal, A.D. |
| Resource Link(s): |
|
Charter:
Ego Joannes Regitestensis comes et Maria uxor mea notum facimus tam presentibus quam futuris quod cum discordia verteretur inter nos ex una parte et religiosos viros abbatem et conventum Sancti Benedicti Floriacensis super Ligerim ex altera super quodam nemore Sancti Benedicti quod situm est juxta Sarciam quod etiam Linneium appellatur quod videlicet nemus erat proprium dictorum abbatis et conventus tandem mediantibus bonis viris pro bono pacis ob remedium animarum nostrarum et antecessorum nostrorum totum nemus predictum cum fundo ipsius nemoris quemadmodum se comportat dictis abbati et conventui prorsus quittum clamavimus in perpetuum possidendum videlicet ad extirpandum et essartandum et ad culturam si eis placuerit redigendum et ad voluntatem suam de dicto nemore plenarie faciendam ita quod nos nec heredes nostri in superficie ejusdem nemeris neque in fundo nihil de cetero poterimus reclamare In cujus rei testimonium presentes litteras fieri et sigillorum nostrorum munimine fecimus roborari Datum anno gratie MCCXLIII mense februario