Charter Document - 05400542
| Charter Number: | 05400542 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1243 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Petrus archipresbyter Soliacensis salutem in Domino Noveritis quod cum religiosi viri abbas et conventus Sancti Benedicti Floriacensis traxissent in causam coram venerabili viro abbate de Albignac et collegiis suis judicibus a Sede apostolica delegatis Gilebertum presbiterum canonicum de Jargogilo super hoc quod dictus Gilebertus indebite percipiebat circiter quindecim solidos annui census apud Bichetum in villa de Sancto Benedicto qui census ad dictos abbatem et conventum pertinebat ut dicebant tandem idem Gilebertus in nostra presentia constitutus attendens quod census predictus spectabat ad abbatem et conventum supradictos totum illum censum quem apud predictum Bichetum perceperat eisdem abbati et conventui in pace dimisit et quittum coram nobis clamavit eisdem perpetuo possidendum In cujus rei memoriam et testimonium ad petitionem ipsorum abbatis et conventus et de voluntate et assensu predicti Gileberti presentes litteras sigillo nostro fecimus sigillari Actum anno Domini MCCXLIII mense aprili