Charter Document - 05400541
| Charter Number: | 05400541 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1243 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis magister Guillelmus dictus Decanus Lorriaci et Philippus de Rumino baillivus Vastinensis salutem in Domino In nostra presentia constituti Simon de Aprilia et Elizabeth uxor ejus recognoverunt se emisse a Roberto de Loet quamdam masuram cum suis pertinentiis in terras Sancti Benedicti apud Curtem Matriniaci sitam quam vir religiosus Joannes abbas Sancti Benedicti Floriacensis eisdem laudare recusabat timens ne dictum Simonem et ejus euxorem qui burgenses erant Lorriacenses in reddendis reditibus seu consuetudinibus ejusdem masure difficiles inveniret tandem ad preces bonorum virorum idem abbas dictam masuram cum suis pertinentiis eisdem sub ea conditione concessit habendam quod ipsi et heredes ipsorum et quicunque dictam masuram quocunque modo tenuerint solvent dicto abbati et successoribus suis chareyum census et alias consuetudines que debet eadem masura et precipue solidos pro exercitu domini regis que omnia dicti Simon et uxor ejus sine contradictione aliqua se reddituros bona fide promiserunt volentes et concedentes ut ipsi et quicunque dictam masuram pro tempore tenuerint ubicumque fuerint residentes ad solidos et omnia supradicta solvenda teneantur sicut superius est expressum In cujus rei testimonium ad petitionem partium presentes litteras sigillorum nostrorum munimine duximus roborandas Datum anno Domini millesimo ducentesimo quadragesimo secundo mense martio