Charter Document - 05400538
| Charter Number: | 05400538 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1242 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Philippus de Rumino baillivus Vastinensis et Guillelmus dictus Decanus Loriaci salutem in Domino Cum religiosus vir Joannes abbas Sancti Benedicti Floriacensis majoriam de Monsterello cum suis pertinentiis herbergagia de Nemosio et de Mota cum pertinentiis suis et quasdam alias possessiones in bailliva de Curte Matriniaci constitutas a Milone de Ponte monachorum milite et Osanna relicta Bartholomei Judas comparasset et dictus abbas custodiam et receptionem censuum et reddituum ejusdem majorie Theobaldo Oriant qui erat de parentela ejusdem Osanne commisisset et quod idem Theobaldus consuetudines et redditus predicte majorie plenius cognovisset timens dictus abbas ne forte crederetur ab aliquibus dictum Theobaldum et ejus uxorem propter dictam custodiam seu reddituum supradictorum receptionem in dicta majoria jus habere volens sibi et ecclesie sue in posterum precavere dictos Theobaldum et ejus uxorem fecit evocari coram nobis qui in nostra presentia pariter constituti confessi sunt spontanei non coacti nullam penitus possessionem nullum jus nullam justitiam nullum omnino dominium in dicta majoria nec in rebus supradictis se habere postulantes ut super ipsorum confessionc publicum fieret instrumentum et nos ad petitionem partium presentes litteras fieri et sigillorum nostrorum minimine fecimus roborari Datum Lorriaci anno Domini MCCXLII mense septembri