Charter Document - 05400535
| Charter Number: | 05400535 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1242 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Theodericus archidiaconus Aurelianensis in Domino salutem Noverint universi quod cum inter religiosos viros Joannem abbatem et conventum Sancti Benedicti Floriacensis ex una parte et presbyterum de Limer ex altera controversia verteretur super tertia parte decime parochie de Limer quam petebant ab eodem presbytero tandem mediantibus bonis viris pacificatum fuit inter partes nobis presentibus in hunc modum videlicet quod presbyter dicte ecclesie qui pro tempore fuerit tenetur reddere viris religiosis annuatim ad quindenam sancti Remigii in grangia sua de Limer octo minas misteoli et quinque minas avene ad mensuram Pyveris qualia crescunt in decima memorata dicti vero abbas et conventus dicte ecclesie de Limer in perpetuum quittaverunt quidquid petebant et habebant in decima supradicta Datum anno Domini MCCXLI mense februario