Charter Document - 05400521
| Charter Number: | 05400521 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Protection |
| Date: | 1240 |
| Date type: | Internal, A.D. |
| Resource Link(s): |
|
Charter:
Ego Joannes de Thociaco et de Valle Guidonis dominus miles notum facio tam presentibus quam futuris quod ego promisi ac promitto bona fide Guillelmum thesauriarum de Villeriis cum familia et omnibus bonis suis ad partes amicorum suorum quamdiu dicto loco preerit conservare promitto etiam quod in terra mea de Villeriis inter fabricas et aquam non edificabo nec faciam edificari domum vel aliud in dicte ville de Villeriis detrimentum prejudicium vel gravamen quamdiu ut dictum est dictus Guillelmus erit thesaurarius ejusdem dicti loci His autem omnibus faciendis interfuerunt presentes Joannes de Insula Joannes de Corcellis milites Iterius Marquis et plures alii Et in hujus rei testimonium et munimen presentes dedi litteras dicto thesaurario sigilli mei munimine consignatas Actum Bituris anno Domini millesimo ducentesimo quadragesimo mense septembri