Charter Document - 05400520
| Charter Number: | 05400520 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1240 |
| Date type: | Internal, A.D. |
| Resource Link(s): |
|
Charter:
Robertus divina gratia Lingonensis episcopus universis presentes litteras inspecturis salutem in Domino Noveritis quod magister Robertus curatus ecclesie de Floogni in nostra presentia recognovit se recepisse ab abbate Sancti Benedicti Floriacensis dimidium arpentum vinee quod dictus abbas habebat in finagio de Milleio videlicet in Lecheto quandiu vixerit possidendum ita videlicet quod post ipsius curati obitum tam dicta vinea quam dimidium arpentum vinee quod dictus curatus habet et possidet ex donatione Milonis abbatis Sancti Michaelis Tornodorensis in finagio de Flaiaco videlicet in Montemeliori ad prioratum de Diaco ad integritatem fructuum cum quibus dicte vinee invente fuerint libere revertentur in perpetuum pacifice possidenda In cujus rei testimonium ad petitionem dicti curati presentes litteras sigilli nostri munimine fecimus roborari Actum anno Domini millesimo ducentesimo quadragesimo mense augusti