Charter Document - 05400517
| Charter Number: | 05400517 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Petrus de Scantilly baillivus domini regis Francorum salutem in Domino Constituti coram nobis Odo de Mainvillier Petrus de la Montaigne equites Robinus de Montoire et Amoriaudus de Domarville confessi sunt se plegios existere erga abbatem et conventum Sancti Benedicti Floriacensis per fidem suam de garentizanda terra quam eisdem abbati et conventui vendidit Gilo de Montoire Quod si forte eis super dicta terra occasione dicte venditionis aliqua controversia moveretur aut violentia inferretur unde damna et deperdita sustinerent aut aliquas missiones facere tenerentur predicti plegii infra octo dies postquam essent requisiti ab abbate et conventu per nuntium cum litteris abbatis et conventus provisionem tenerent Stampis per fidem suam donec predictis abbati et conventui super damnis et deperditis et etiam missionibus esset integre satisfactum Anno Domini MCCXL mense junio