Charter Document - 05400516
| Charter Number: | 05400516 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Petrus de Maulia miles salutem in Domino Constitutus coram nobis Gilo de Montoire vendidit religiosis viris et abbati et conventui Sancti Benedicti Floriacensis viginti duo arpenta terre site in parochia de Mainviller quam terram dictus Gilo tenebat in feodo a Robino de Montoire fratre suo qui dictam venditionem voluit et laudavit et nos ad petitionem sepedicti Gilonis et predicti Robini qui dictum feodum a nobis tenebat volumus et laudamus promittentes fide prestita corporali quod contra dictam venditionem minime veniemus nec aliquid de cetero reclamabimus in terra memorata sed eam predictis abbati et conventui tenetur per fidem nostram corporaliter prestitam quoties opus fuerit garentire Actum anno Domini MCCXL mense maio