Charter Document - 05400514
| Charter Number: | 05400514 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1239 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Joannes Dei misericordia humilis abbas et conventus Sancti Benedicti Floriacensis salutem in Domino Noverit universitas vestra quod cum inter nos ex una parte et presbyterum de Seimvilla ex altera autoritate apostolica verteretur contentio coram venerabilibus viris scilicet archidiacono et magistro Gaufrido de Bulliaco officialibus Aurelianensibus subdelegatis et viris religiosis abbate priore de Albignaco et archipresbytero de Argenton judicibus a domino Pape delegatis super decimas novalium parochie de Seimvilla tandem de consilio bonorum virorum inter nos et dictum presbyterum ordinatum fuit amicabiliter et statutum quod ipse et successores sui ratione predictarum decimarum in grangia nostra de Seimvilla in ipsarum messionum tres modios bladi ad mensuram Carnotensem cujus medietas erit ybernagii alia medietas avene percipiet annuatim cum aliis tribus modiis quos predictus presbyter percipere consuevit in grangia memorata ita quod nec dictus presbyter nec successores ejusdem in predictis decimis preteritis presentibus et futuris aliquid de cetero poterent reclamare juste ordinatum fuit inter nos et statutum quod in parochia supradicta et pro duabus partibus panum quos in festum Nativitatis Resurrectionis dominice et Pentecostes et Candelarum quas in Purificatione beate Marie in ecclesia de Seimvilla percipiebamus dictus presbyter et successores ejusdem pensionem triginta solidorum parisiensium in festo sancti Remigii priori nostro Stampensi annuatim solvere tenebuntur et pro dicta pensione predicte minute decime cum panibus et candelis supradictis presbytero et ejus successoribus libere et quiete remanebunt In cujus rei testimonium presentes litteras sigillorum nostrorum munimine fecimus roborari Datum anno Domini MCCXXXIX mense octobri