Charter Document - 05400507
| Charter Number: | 05400507 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1239 |
| Date type: | Internal, A.D. |
| Resource Link(s): |
|
Charter:
Henricus divina miseratione Remensis archiepiscopus frater Johannes humilis abbas et conventus Sancti Benedicti Floriacensis et Amalricus comes Montisfortis omnibus presentes litteras inspecturis salutem in Domino Noverit universitas vestra quod cum prioratus Sancti Arnulfi diutius habuisset usuarium in nemoribus Sancti Benedicti apud Suncampum constitutis nos de voluntate et assensu religiosorum virorum abbatis et conventus Fossatensis ad quos dictus prioratus pertinere dinoscitur concessimus predicto prioratui pro dicto usuario septies viginti et octo arpenta et quartam partem unius arpenti nemoris in bosco de Bornel et sexaginta et undecim arpenta et tres partes unius arpenti terre in Poele Berbiz libere et pacifice in perpetuum possidenda quita et libera ab omnibus illis qui in predicto nemore et terra aliquam consuetudinem huc usque habuerunt et nichil in predicto nemore et terra nec in fundo ipsorum de cetero reclamabimus preter venationem et magnam justiciam qualem habemus in castellaria de Ruppeforti et in territorio de Suncampo Prior autem in dictis nemore et terra habebit talem justitiam qualem habent vassalli de castellaria de Ruppeforti in terra sua et nemus quando voluerit prior rediget ad culturam nec in campiparte nec in decima aliquid reclamabimus Hec autem omnia prout supradictum est bona fide garentizabimus prioratui supradicto In cujus rei testimonium presentes litteras fieri et sigillorum nostrorum munimine fecimus roborari Datum anno Domini MCC tricesimo VIII mense februario