Charter Document - 05400500

Universis presentes litteras inspecturis frater Johannes humilis abbas Sancti Benedicti Floriacensis totusque ejusdem loci conventus salutem in Domino Quoniam ea que legitime acta sunt non decet oblivionis nebula offuscari posteriorum notitie presentium annotatione duximus commendare quod talis inter nos et dilectum nostrum Garnerium Stampensem dictum Cellerarium pactio intercessit quod dictus Garnerius receptionem bladorum nostrorum de grangiis infrascriptis scilicet Aurea valle Buxedello Merovilla Sumcampo Sainvilla et Plaissaio que ipse recipiebat de jure competenti sibi ut dicebat ad mensuram que mensuram fori excedebat et etiam receptionem omnium aliorum bladorum predictorum et reddituum tam de molendinis quam de aliis rebus cum custodia bladorum predictorum quam se habere asserebat nobis vendidit resignavit penitus et quittavit et omni juri quod in dictis bladis habebat vel habere poterat abrenuntians promisit sacramento prestito quod in eisdem nec per se nec per alium aliquid de cetero reclamaret preterea tamen quasdam consuetudines et etiam redditus in prioratu nostro Stampensi et in quadam grangia ejusdem prioratus que vocatur Grangia Sancti Petri Garnerius predictus diceret se habere videlicet receptionem omnium oblationum in festis infra annotatis scilicet in festo Omnium Sanctorum Nativitate Domini Purificatione Beate Marie Virginis in Pascha et in singulis festis dominicis octo denarios et candelas quantum pugillo continere poterat pro recepta et cum dictis octo denariis in Nativitate Domini duos solidos et in Pascha duos solidos preterea cum contingebat vinum vendi in dicto prioratu dictus Garnerius dicebat quod per servientem suum debebat vendi qui cum expensis prioris erat procurandus et pro quolibet dolio vendito dicebat habere duodecim denarios in grangia vero dicta ipse Garnerius medietatem pillonis excussionis jarbarum et sedis earumdem et terre et mine que de blado excusso et parato impleri non poterant omnium bladorum scilicet campiparti decime et terrarum ad culturam dicte grangie pertinentium et cum dicta medietate duos modios hybernagii in dicta decima se habere dicebat ad mensuram Stampensem et ad blada dicte grangie terenda ipse tritores ponebat qui sibi fidelitatem faciebant et priori utrique videlicet de jure suo fideliter conservando que omnia memoratus Garnerius omnino resignavit et quittavit ita quod in decima dicte grangie percipiet ipse tres modios hybernagii ad mensuram Stampensem annuatim addens quod liceat priori sine contradictione sua vel heredum suorum in furnis suis de burgo Sancti Petri Stampensis furnarios constituere et amovere pro voluntate sua et dictos furnos reparare cum viderit expedire dicto Garnerio et successore suo minime requisito qui dicebat quod ipso irrequisito dictus prior facere non poterat hoc sibi de voluntate nostra retinens in dictis furnis quod quoties furnos dicti burgi prior admodiabit dictus Garnerius et qui succedet in feodum admodiationem recipiet et de dicta admodiatione denarios sibi debitos pro festis et generalibus suis recipiet et residuum dicte admodiationis restituet dicto priori aliqua contradictione non obstante licebitque ipsi Garnerio et successori suo qui feodum tenebit panem ad opus suum et familie sue secum commorantis ad furnos antedicto sine furnagio coquere ita quod si in furno de platea panis ejus coqui possit ad alium sine furnagio ab ipso non coquetur et si ad furnum de platea coquere non poterit ad alium sine furnagio recursum habebit et singulis diebus in quibus furnum de platea calefieri contigerit ipse habebit unam patellatam brasie ad alium furnum nullum recursum quantum ad patellatam habiturus resignationem autem venditionem et quittationem omnium rerum predictarum Gila uxor predicti Garnerii voluit concessit et laudavit spontanea et sine aliqua coactione promittens per fidem suam quod contra predictam venditionem resignationem et quittationem de cetero non veniet pro venditione resignatione et quittatione omnium rerum superius expressarum dedimus dicto Garnerio mille et trecentas libras parisiensium de quibus ille mille et sexaginta libras recepit in pecunia numerata pro ducentis autem et quadraginta libris que sibi non fuerunt numerate dedimus ipsi Garnerio in compensationem majoriam cum omnibus pertinentiis suis quam Stampis habebamus integre et quiete possidendam et quoniam de appendiciis majorie facta est mentio que ad majorem pertinent exprimamus Pertinet enim ad majorem receptio censuum spectantium ad priorem nostrum Stampensem et ad cellerarium nostrum Sancti Benedicti que receptio fit in festo sancti Remigii et ea die debet habere panem et vinum et generale constitutum pertinent etiam ad ipsam majorem revestiones et bonagia et quilibet homo in cujus terris prior habet numeragium debet eidem majori unam minam bladi crescentis in terram quam minam eidem garentire tenebuntur in quantum jus dictaverit et quotiens major querit culcitras ad opus abbatis vel archiepiscopi venientis causa visitandi ecclesiam Sancti Petri Stampensis ipse debet habere panem vinum et generale constitutum et duos denarios pro culcitris afferendis et centum solidos quos dominus rex habet super homines dicti burgi Sancti Petri Stampensis nomine tallie major levare debet et inde habere quinque solidos pro labore suo quos dicti homines solvere tenebuntur habebit etiam dictus major de omnibus emendis quas homines dicte majorie facient coram eo aut etiam priore vel alio loco prioris triginta denarios residuum autem emende quantumcunque fuerit prioris sine contradictione majoris persolvetur et quoties homines de majoria coram priore citandi erunt per majorem citabuntur quedam vero domus sita versus pontem Junie cum quadraginta quatuor solidis tribus de denariis annui census proprie majoris est de quibus videlicet quadraginta quatuor solidis dictus Garnerius et successores ejus solvent annuatim priori nostro Sancti Petri Stampensis septem solidos et dimidium quos major noster Stampensis in perpetuam eleemosinam quondam priori nostro legavit sergenteriam vero quam ipse Garnerius a nobis tenebat eidem concessimus ad feodum ligium cum majoria et appendiciis supradictis ut ex eis abbati qui pro tempore fuerit tam ipse quam successores qui res predictas tenebunt facient homagium et ut omnis contentio sopiatur que pro dicta sergenteria percipere debet duximus declaranda scilicet singulis diebus duos panes et duas ferratas vini que ad mensuram Sancti Benedicti percipientur ab eodem videlicet panis et vini quibus monachi in prioratu Stampensi commorantes consuetudinarie utuntur et unam scutellam pulmenti singulis diebus si ibi pulmentum fuerit et singulis diebus extra quadragesimam pro generali quinque ova exceptis die Jovis et die dominica in quibus percipiet tam in quadragesima quam extra singulos denarios et in quadragesima singulis diebus quatuor allecia pro generali et cum generali constituto in singulis festis beati patris Benedicti et in singulis festis Beate Marie Sancti Petri Nativitate Domini Epiphania Purificatione Pascha Ascensione Pentecosten et in festo Omnium Sanctorum percipiet duos denarios et in die martis carnis privii sex denarios Concessimus autem eidem Garnerio ad feodum supradictum herbergagium suum sicut muri comportant cum vinea retro sita et terram domui sue adjacentem que protenditur usque ad viam que ducit ad fontem in qua via dictus Garnerius et successor suus habebit usum suum ad eundum et redeundum solummodo pratum sum retro clausum monachorum et hortos suos sitos juxta fontem et domum deffuncti Rainardi Castellani et duodecim denarios censuales quos habet in vinea Herberti Scutiferi sex autem denarios censuales quos habebamus in domo Odonis Rufi burgensis Stampensis et circiter quadraginta arpenta nemorum nostrorum de Sumcamp in quibus decimam capiemus in augmentationem feodi supradicti eidem dedimus ad essartandum In cujus rei memoriam presentes letteras fieri et sigillorum nostrorum munimine fecimus roborari Datum anno Domini millesimo ducentesimo tricesimo octavo mense junio