Charter Document - 05400499
| Charter Number: | 05400499 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1238 |
| Date type: | Internal, A.D. |
| Resource Link(s): |
|
Charter:
Philippus divina permissione Bituricensis archiepiscopus Aquitanie primas universis presentes litteras inspecturis salutem in Domino Noverint universi quod venerabilis vir Joannes abbas Sancti Benedicti Floriacensis patronus ecclesie de Castellione super Ligerim Bituricensis diocesis in dicta ecclesia libera et vacante de assensu et voluntate nostra dilecto clerico nostro Herveo Cegommelli ad vitam suam amore Dei et intuitu pietatis contulit sex libras parisiensium annue pensionis persolvendas eidem vel ejus mandato in terminis inferius annotatis videlicet sexaginta solidos in octavis Resurrectionis dominice et alios sexaginta solidos in octavis Beati Dionysii subsequentis dictus vero abbas dictam ecclesiam liberam et vacantem magistro Reginaldo clerico suo contulit cum onere supradicto qui post receptionem suam juravit spontaneus non coactus se dicto Herveo vel ejus mandato soluturum annuatim dictam pensionem terminis annotatis preterea dictus abbas ad solutionem dicte pensionis dictis terminis annuatim eidem Herveo vel ejus mandato quoad vixerit faciendam tam dictum magistrum Reginaldum quam ejus successores de assensu nostro teneri voluit specialiter obligatos prout superius est expressum ita tamen quod post mortem dicti Hervei dicta ecclesia remaneat libera et immunis ab onere pensionis superius nominate In cujus rei memoriam et testimonium presentes litteras sigillo nostro fecimus sigillari Actum anno Domini millesimo ducentesimo trigesimo septimo mense januario