Charter Document - 05400497
| Charter Number: | 05400497 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1237 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Nicolaus de Altovillari domini Regis baillivus salutem Noveritis quod vir venerabilis Joannes abbas Sancti Benedicti Floriacensis in presentia nostra donavit et quittavit duodecim denarios censuales quos domina de La Nate et Joannes primogenitus ejus priori de Giemo Veteri debebat tali conditione quod idem Joannes donavit et quittavit in perpetuum octo denarios censuales quos ipse et ejus mater percipiebat in vinea que fuit Theobaldi Saincho monachi Sancti Benedicti et quatuor denarios censuales quos similiter percipiebat in terra Petri Sancho et Nicolai Sancho fratrum et pro hac quittatione dedit predictus prior predicto Joanne et matri sue quadraginta solidos parisiensium et hanc quittationem et donationem tenetur fide prestita corporali facere laudavi et concedi a matre sua et ab aliis qui in hoc aliquid juris possent reclamare dictus Joannes qui insuper ad hoc faciendum et firmiter tenendum se et res duas obligavit erga dictum abbatem In cujus rei testimonium et memoriam presentes litteras ad petitionem memorati abbatis et ipsius Johannis sigillo nostro fecimus communiri Actum anno Domini MCCXXXVI mense martio