Charter Document - 05400488
| Charter Number: | 05400488 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1236 |
| Date type: | Internal, A.D. |
| Resource Link(s): |
|
Charter:
Philippus Dei gratia Aurelianensis episcopus omnibus presentes litteras inspecturis salutem in Domino Noverint universi quod Gilebertus presbiter ecclesie Jargoliensis canonicus in nostra presentia constitutus recognovit quod Gaufridus miles et major de Sancto Benedicto pater ejus assensu et voluntate abbatis Sancti Benedicti Floriacensis et totius ejusdem loci conventus feodum Stephani Blandini comparavit et ecclesie beati Benedicti contulit ita tamen quod pro feodo illo Gileberto filio suo quinque modios sigali tantum modo in grangia eorum de Braio singulis annis quamdiu vixerit solvere tenerentur et post decessum ejusdem dictos quinque modios ad ecclesiam beati Benedicti quiete et sine aliqua contradictione et reclamatione alicujus reversuros Ad cujus petitionem cartam istam sigilli nostri munimine fecimus roborari Actum anno Domini millesimo ducentesimo trigesimo sexto