Charter Document - 05400483
| Charter Number: | 05400483 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1235 |
| Date type: | Internal, A.D. |
| Resource Link(s): |
|
Charter:
Officialis Aurelianensis omnibus presentes litteras inspecturis salutem in Domino Noverint universi quod Rag[inaldus] prior Sancti Gervasii Aurelianensis in manu sua habens domum Sancti Benedicti do Retor coram nobis tradidit de assensu et voluntate abbatis et conventus Sancti Benedicti Floriacensis de vineis suis sitis apud Boeriam Raginaldo de Boeau duo arpenta vinearum Guillelmo de Bara unum arpentum Renaldo Corbehenee unum arpentum Richardo de Monte Lizandi unum arpentum Auberto Vinart unum arpentum Richardo Lo Boester tria quarteria Garn[er]io Petrario tria quarteria ipsis ostensa et bonata et ab eis quamdiu vixerint pacifice possidenda ita quod in octavis Omnium Sanctorum pro quolibet arpento quindecim solidos parisiensium annuatim apud Sanctum Benedictum do Retor predicto priori vel preposito qui domum Sancti Benedicti do Retor pro tempore in manu sua tenuerit solvere tenebuntur Condictum fuit inter partes quod in quolibet arpento duos propagatores per totum diem laborantes ponere tenebuntur Ipsi vero dictas vineas excolent de omni cultura ad vineas pertinente has autem conventiones ipsi fide corporaliter promiserunt inviolabiliter observare Si vero vineis jam excultis aliquem predictorum decedere contigerit heres ejus vel uxor fructus dictarum vinearum pro portione ipsos contingente illo anno percipiet quindecim solidis predictis dicto preposito ad dictum terminum persolvendis cum autem ipsos vel aliquem decedere contigerit vinee decedentium ab abbatem et conventum quitte et libere sine contradictione aliqua reverterentur illa vero clausula que in litteris dictorum abbatis et conventus erat contenta scilicet de pena quinque solidorum solvendorum nisi dicti quindecim solidi essent dicto termino persoluti de consensu dicti prioris et hominum extitit cancellata Datum ad preces partium anno Domini MCCXXXIV mense januario