Charter Document - 05400482
| Charter Number: | 05400482 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1235 |
| Date type: | Internal, A.D. |
| Resource Link(s): |
|
Charter:
Robertus divina gratia Lingonensis episcopus universis presentes litteras inspecturis salutem in Domino Noveritis quod sicut inspectis litteris venerabilium patrum felicisque memorie domini Roberti et domini Garnerii quondam episcoporum Lingonensium super hoc confectis comperimus et insuper bonorum virorum testimoniis didicimus presentationes presbiterorum in ecclesiis de Diaco de Donamanna de Meriaco ad priorem et prioratum de Diaco ab antiquis temporibus pertinere Ea propter jus prefati prioratus caritatis intuitu illesum volentes in omnibus observari presentationes presbiterorum in prenominatis ecclesiis eidem prioratui et dilecto in Christo filio Miloni priori et successoribus prioribus qui in eodem prioratu futuris temporibus substituentur in perpetuum concedimus et presentis scripti patrocinio confirmamus et sigilli nostri munimine roboramus Actum anno Domini millesimo ducentesimo trigesimo quinto