Charter Document - 05400480
| Charter Number: | 05400480 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1234 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum Dei dilectis filiis abbati et conventui Sancti Benedicti Floriacensis ordinis Sancti Benedicti Aurelianensis diocesis salutem et apostolicam benedictionem Cum a nobis petitur quod justum est et honestum tam vigor equitatis quam ordo exigit rationis et id per sollicitudinem officii nostri ad debitum perducatur effectum Ex parte siquidem vestra fuit nobis humiliter explicatum ut cum abbas Sancti Joannis Suessionensis ejusque college visitatores exemptorum monasteriorum ordinis Sancti Benedicti a nobis in Senonensi provincia deputati volentes indemnitati vestri monasterii precavere deliberatione provida duxerint statuendum ut nullus priorum prioratuum ipsi monasterio subditorum ultra vicesimam partem reddituum prioratus sibi commissi audeat contrahere mutuum absque tua fili abbas et successorum tuorum licentia speciali statutum hujusmodi apostolico dignaremur munimine roborare Nos igitur vestris justis precibus inclinati statutum ipsum sicuti est proinde institutum autoritate apostolica confirmamus et presentis scripti patrocinio communimus Nulli ergo omnino [] Si quis autem [] Datum Reate XII kalendas julii pontificatus nostri anno octavo