Charter Document - 05400476
| Charter Number: | 05400476 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1234 |
| Date type: | Internal, A.D. |
| Resource Link(s): |
|
Charter:
Universis Christi fidelibus presentes litteras inspecturis archipresbiter de Argentonio salutem in Deo Ad notitiam singulorum volumus pervenire quod cum causa moveretur inter prepositum Sancti Benedicti de Saltu ex una parte et Bernardum Sallensim de Foresta ex altera super terris de masso de Nadens quas ab eodem petebat dictus prepositus tandem mediante bonorum virorum consilio compositio facta inter ipsos in hunc modum quod Bernardus coram nobis invite constitutus quitavit Deo et ecclesie Sancti Benedicti et preposito dicte ecclesie in perpetuum massum et terras predictas prout metes posuerunt homines dicti prepositi de Chenee videlicet Ranulphus Ortili et filius ejus et Gaufridus de Monte Beruti et monachus volens et concedens fide corporaliter prestita in manu nostra quod si eidem preposito et ecclesie Sancti Benedicti super eadem terra sive mota questio aliqua vel proclamatio emerserit quod Bernardus et heredes sui teneantur ab omnibus hominibus defendere penitus et gaurire pro posse suo et ad hoc omnia bona sua erga dictum prepositum et ecclesiam Sancti Benedicti de Saltu obligavit In cujus rei testimonium [] Actum anno Domini MCCXXXIV